Ngaahi fakatamaki ‘e hoko ka ‘ikai malu’i ‘ete peesi
- Koe kaiha’asi ‘oe ngaahi fakamatala mo’oni kihe tokotaha pisinisi, hangē koe ngaahi tu’asila moe ngaahi fakaikiiki ‘o e kaati pangikē.
- Faka’uli’i e fotunga ‘oe peesi initaneti, ‘ihono tanaki mai ‘ae ‘atā ta’e taau, fakalielia, taufehi’a pe koha ngaahi imisi moe fono fakatautoitoi ke ne holoki ‘ae imisi ‘oe peesi initaneti.
- Faka’ikai’i ‘ae ngaahi ngāue hala ‘ae kakai faihia ‘ihe ‘enau feinga ke fakatupu ha palopalema kihe pisinisi, tautautefito kihe to’o fakamalohi ha pa’anga.
- Fakamele’i ho ongoongo.
- ‘E fakatupu ha maumau kihe peesi initaneti ‘iha ‘uhinga fekau’aki moe falenofo’anga pe palopalema faka’uhila.
- ‘E lava hono alasi ta’efakatokanga’i ‘oe peesi pe ohofi’ ae sisitemi hono lolomi ‘ene ngaahi polokalama malu’i ke ‘oua tene lava ‘o kumi ‘ae hu’u’anga ‘oe ngāue kovi kuo fakahoko.
Malu’i ho’o peesi-initaneti
‘Okapau ‘oku ‘ikai teke ngāue’aki ha peesi initaneti ha’a kautaha ka ko koe pe ‘oku ke pule’i ho’o peesi, fakapapau’i ko ho’o polokalama mo ho’o me’angāue fakakomipiuta ‘oku malu:
- Faka’aonga’i ha lea fakapulipuli ‘oku malohi mo faingata’a ke ‘ilo kihe sisitemi ‘oku ke ngāue’aki.
- Fakapapau’i ‘aupito ko ho’o polokalama komipiuta ‘oku malu’i ‘eha polokalama tene matu’uaki ‘ae hu mai ta’efakangofua (firewall) moe polokalama initaneti pau.
- Tokanga ‘aupito ki hono fakasio ha ngaahi feinga ke fakaava ho’o peesi komipiuta.
- Ngāue’aki ‘ae akenga fo’ou taha ‘oha polokalama ngāue faka’ilekitulonika ‘ihe initaneti. Koe ngaahi akenga motu’a ‘oku ‘ikai malu pea ‘e faingofua hano fakaava ‘ehe kau poto’i ngāue fakakomipiuta, (hackers).
- Si’aki ‘ae ‘u peesi initaneti ‘oku ‘ikai toe ‘aonga ‘aki hano fakahoko kihe kautaha ‘oku te ngāue’aki ke to’o mo faka’auha ‘ae faile kotoa ‘oku ‘iai.
- ‘Oua ‘aupito teke fakahū ‘ae fakamatala fakafo’ituitui moe ngaahi fakaikiiki ‘oe kaati ngāue (credit card) ‘oe kakai ‘oku ke fengāue’aki mo ia ‘ihe polokalama komipiuta ngāue fakailekitonika angamaheni.
- Malu’i ho SSL fakamatala fakaikiiki pea tauhi ke malu
- ‘Okapau teke fakatokanga’i ‘e matangofua ke alasi ‘ehe DoS pe DDoS ho’o peesi initaneti, tuhu’i pau ‘ae feitu’u ‘oku palopalema pea fetu’utaki leva kiha taha taukei ‘oku ne ma’u ‘ae ‘ilo moe founga ke malu’i ho’o pisinisi.
- Tokanga’i ke ngāue’aki ha kautaha polofesinale ke sivi’i
‘ae hu mai ha palopalema mei tu’a kene sivi’ ‘ae ngaahi me’a ngāue malu’i ho’o polokalama ngāue faka-ilekitulonika.
‘Okapau ‘oku ke ngāue’aki ha kautaha kehe ki ho’o ngāue:
- Toe siofi lelei ‘ae tu’unga fakamalu’i moe founga pule’i ho’o koloa (pa’anga) moe anga hono fokotu’utu’u.
- Vakai kihe tu’unga ‘oe aleapau (contract) moe kautaha pe ‘oku taau mo ho’o ngaahi fiema’u.
- Ihe taimi tatau, toe ngāue’aki ‘ae kautaha taukei hono sivi e polokalama hu ta’efakalao ke nau sivi’i ‘ae me’angāue malu’i ‘ae komipiuta ‘ae kautaha ‘oku ke ngāue’aki.