Wi-Fi mei ‘ofisi pe ‘I ‘api ‘oku ne ngāue fakataha ‘aki e tekinolosia(802.11). ʻOku ʻi ai ha ngaahi palopalema angamaheni ʻe ala hoko, ka ‘oku takitaha a’na pe hono fakatu’utamaki. Teke lava pe ‘o malu’I koe ‘aki e ngaahi founga faka’ehi’ehi.
Fakatokanga kihe palopalema fakatu’utamaki ‘e ala hoko
Kapau ‘oku ‘ikai malu ho hub/router, ‘e malava hu ha tokotaha pe kautaha ‘I ai ha’ane mafai ‘o kapau ofi ki ai. ‘E lava ke iku ‘eni ki he ngaahi me’a ni:
- Fakamatala ʻoku pelepelengesi ʻe lava ke ke ʻave pe maʻu ʻi he ʻInitaneti ‘oku malava pe ke fakafepaki’i, ʻo tupu ai ha ngaahi nunuʻa mamafa kehekehe.
- Koe lahi ‘aupito ‘oe fakamatala ‘oku fe’ave’aki ‘I he ‘initaneti ‘o uesia ai e vave ‘a e komipiuta pe me’angāue ke ngāue ‘aki.
- Ko hono ‘osi e ngofua fe’ave’aki e teita, ‘a ia na’ake totongi ki he Internet Service Provider
- ‘Download’ Ko hono hiki ha tatau ‘o ha polokalama, naunau taʻe feʻunga, ʻa ia ʻe fakatotoloʻi ki ho tuʻasila kae ʻikai ko e tokotaha ʻoku ne fakaʻaongaʻi.
Kulupu fengāueʻaki malu ʻi he wireless
- ʻE lava ke fakaʻehiʻehi mei he ngaahi fakatuʻutamaki kotoa ʻi ʻolunga ʻaki hano fakapapauʻi ʻoku malu hoʻo wireless hub/router. Ke vakaiʻi pe ko e meʻa ʻeni ʻoku hoko, fekumi pe ki he ngaahi netiueka wireless ‘oku lava ma’u mo malu, pea ʻe fakaʻilongaʻi ʻaki ha fakaʻilonga loka.
- ʻI he taimi ʻoku ke fuofua fakafehokotaki ai ha komipiuta, smartphone, tablet, misini paaki pe ko ha toe meʻangāue wireless pe ki ha faʻahinga wireless hub/router, ʻe fiema’u koe ke ke fakahū ha lea fufū/ki, ʻo kapau ʻoku malu ʻa e netiueka. Koe malava eni hono fakahoko e me’angāue pea koeʻuhi ko e ngaahi ʻuhinga fakamaluʻi, ʻoku totonu ke ke liliu ai ʻene lea fufū/ki ki ha taha ‘oku ke ‘oangē ngogua ki ai kimuʻa pea ke ne toki fakaʻaongaʻi ʻa e Wi-Fi ki ha faʻahinga fetuʻutaki pe ngaahi fehuʻaki fakapaʻanga ʻo ha natula ʻoku ʻikai ke fakahahaholo.
- Kapau ʻoku ke fokotuʻu ha hub/router foʻou, ‘oku ‘osi ha’u pe ia moe polokalama maluʻi.
ʻOku ʻi ai ha ngaahi tuʻunga ‘encryption’ founga malu’i lalahi ʻe tolu koe (WEP, UPA mo e WPA2), WPA2 ko e maʻolunga taha ia. Ko e lahi taha ʻo e ngaahi hubs/routers, ʻoku ne ʻoatu’e ia keke fili ha tuʻunga maʻolunga, ka ke manatuʻi he ʻikai fenapasi ha ngaahi meʻangāue motuʻa ange mo ha tuʻunga maʻolunga ange. - Kapau ʻoku ʻi ai ha faʻahinga ʻuhinga ʻoku ʻikai lava ai ha ʻapi/ʻofisi/mobile wireless hub/router/dongle keke fehokotaki mo ia, vakai ki he tohi hiki ai e fakahinohino.
- Fakapapauʻi ʻoku ke maʻu ha polokalama maluʻi lelei mo fakamuimuitaha ʻi he ʻInitaneti pea lele ki muʻa pea ke toki fehokotaki mo ha netiueka wireless.
- Tauhi ke malu ʻa e ngaahi kouti Wi-Fi koeʻuhi ke ʻoua naʻa ma’u mafai ʻa e niʻihi fakafoʻituitui ke fehokotaki mo ia.
- Manatuʻi ʻoku faʻa paaki ʻa e kouti ʻo e hu ki he hub/router, ko ia ai, tokanga ke toʻo ia, pe teke ʻai ʻa e hub/router ke ‘oua ‘e faingofua e hu ki ai ‘I hano ‘ohofi pe feinga hu ‘a ha kakai ki ai ‘ikai ke te ‘ilo ‘oku nofo pe fakataha ‘I he fale tatau.