- ‘E kei lava pe ke ‘ilo’i koe ia ‘o tatau ai pe, pe na’a’ ke poloke ‘aki ha hingoa fa’u pe fakapuli.
- Tokanga na’a’ ke toki fakatomala ‘a mui koe‘uhi ko ha me’a na’a’ ke blog. ‘E lava ke mole ho’o ngāue pe ko ha’o tō ‘i ha’o kumi ngāue koe’uhi ko ha ngaahi fakamatala ta’efe’unga na’a’ ke tuku atu, pe ko ho’o tukuhifo hao kaungāme’a, kāinga pe fāmili ofi.
- ‘Oku faitu’utu’uni ‘a e lao ki he lau’i koví (libel law) ‘i hono fai ‘o e poloke. ‘E lava ai ke ke mo’ua ‘i ha’o tuku atu ha ngaahi fakamatala loi pe ta’emo’oni fekau’aki mo ha taha pe ko ha kautaha.
- Manatu’i – ko e me’a ‘oku’ ke tuku atu he ‘initanetí ‘e ‘ikai lava ke toe to’o ia mei he ‘initanetí … pea ‘e ‘atā pe ki ha taha ke ne sio ai pe ma’u ‘o tauhi he ‘oku ‘ikai ‘a hono ngata’agá.. Tatau ai pē, pe te ke toki tāmate’i ‘a e me’a na’a ke tuku atú, ‘e lava pe ke puke’i ia ‘o tauhi (cached) ‘i ha polokalama kumi (search engine) pe internet archive pe ko ha seeva ‘a e kautaha (company server).
- Neongo ‘oku ngali tokosi’i pē ‘a kinautolu ‘oku nau lau ‘a ho peesi, ka ko e poloke ko e me’a fakatokolahi pea ‘oku faingofua pe ki ha taha ke ma’u ha fakamatala fekau’aki mo e ngaahi me’a ‘oku hā ‘i he blogs mei he polokalama kumi.
- Ko e kupu ‘o e blogs ‘oku lava ke fai ai ha fetohi’aki ‘comment’, ‘e lava pe ke ngāue hala‘aki ‘e he kau spammers mo ‘enau ngaahi fakafehokotaki’anga ki he ngaahi uepisaati ‘oku nau tu’uaki atu. ‘E lava ai ‘e he kau faihia-he-ngaluope (cyber-criminals) ‘o fakafehokotaki ‘a ho’o web blog ki ha ngaahi uepisaati kākā pea lava ha taha pe ke ne fakahū ha’a ne lau’ikovi pe fakamanamana’i ha taha.
- ‘E lava ke tuku atu ‘e he fānaú, ha ngaahi fakamatala fakafo’ituitui pe ‘ata na’e ‘ikai tonu ke tufaki atu he ‘initanetí ‘i he ‘ikai ke nau ‘ilo’i ‘a e nunu’a ‘o ‘enau fai ení.
Founga malu ‘o e blogging
- Kapau ‘oku ke poloke (blog) ke lava ‘o lau ‘e he kakai kotoa pē, pea ke fakamafola pe ‘a e ngaahi me’a ‘oku ke loto ke ‘ilo’i ‘e he taha kotoa pē.
- Vakai’i ma’u pe ‘a kinautolu ‘oku nau afea ho’o peesi/uepisaiti, pea ke liliu ‘o ka fiema’u.
- ‘Oua te ke vahevahe pe fakahoko noa’ia ha’o ngaahi me’a fakafo’ituitui. Tuku malu pea ke vahevahe pē mo kinautolu ‘oku ke falala ki ai.
- ‘Oua te ke vahevahe ha ngaahi fakamatala fakafo’ituitui, hangē ko e fika ho’o fika kaati nō pa’anga (credit card) pangikē, paasipooti pe ko ha tu’asila. ‘E lava ke ngāue’aki ia ‘e ha taha kehe ke pehē tokua ko koe ia (steal your identity).
- Ngāue‘aki ha hingoa fakapuli kapau ‘oku ke fiema’u ke malu’i ho’o ngaahi fakamatala fakafo’ituitui, ngaahi tui fakapolitikale pea mo malu’i ho lakanga fakangāué.
- Tokanga ange ki he ngaahi fakamatala fakafo’ituitui ‘oku ke vahevahe, ‘o kau ai ho tu’asila, ‘apiako, ngāue’anga mo ho ‘aho fā’ele’i.
- Tokanga ke ‘oua te ke vahevahe noa’ia ha ngaahi tā telia na’a ‘ilo ai ha ngaahi me’a fekau’aki mo koe na’e ‘ikai te ke loto ke ‘ilo ‘e ha taha.
- Tokanga ‘i ho’o tala ha ngaahi me’a ‘oku ke tukuloto’i mo ha’o ngaahi fakakaukau fakafo’ituitui ‘i ho blog.
- Vakai ki he ngaahi fakamatala kuo fakahoko ‘e ho ngaahi kaungāme’á fekau’aki mo koe ‘i he fetohi’aki blog, tautefito ki ho’o tō’onga mo’uí mo e ngaahi me’a fakafo’ituitui ‘oku totonu ke tauhi malú.
- To e fakakaukau’i fakalelei ‘aupito, ‘i ha’o alea ke mo fe’iloaki mo ha taha na’a mo toki maheni pē ‘i he fetohi’aki he blog.
- Fakamahino ki he fānaú ‘a e fakatu’utāmaki ‘o e blogs ke sio mo lau ai e kakai kotoa pē.
- Kapau ko ho’o toki ngāue’aki pe eni ‘a e blog, to e tokanga ange. ‘Oku mahu’inga ke mahino kiate koe ‘a e ngaahi polokalama fakakomipiuta (software) ‘oku ke ngāue‘akí, tō’onga ‘a kinautolu ‘oku nau manako mo fai ‘a e blog, ‘o kau ai mo e founga ke fakangofua pe fakatapui (filter) ‘aki ha ngaahi lau pe lea (comments) ‘oku fakahū ki ho’o blog.
‘Oua te ke tuku atu ha ngaahi me’a (vitiō, tā, fakamatala) te ke mā ai he kaha’u.