‘Oku mahu’inga ke mahino mo fakatokanga’i ‘a e ngaahi tu’utāmaki’anga ‘e ala hoko ‘i he feohi mo ha kakai tokolahi ‘oku ‘ikai ke mou maheni pea mou fetohi’aki fa’iteliha mo ta’emapule’i (unfiltered and unmoderated).
Ngaahi tu’utāmaki’anga ‘oku kau ai ‘a e
- Ngaahi lea kovi, ta’efaka’apa’apa, fakalielia, lau lanu mo ha ngaahi ‘ulungaanga ta’etaau mo tāufehi’a.
- ‘E ‘i ai ha ni’ihi te mou feohi he Loki Talanoa te nau muimui’i holo koe ‘i he ngaluope/’initaneti (cyber stalkers), pe te nau fakamanamana’i mo fakailifia’i koe mo feinga ke liliu ho’o ngaahi tui mo ho’o tō’ongá pe ko’enau feinga maheni ko ha’a nau tokanga atu pe fiema’u (sexual intentions) koe.
- ‘E lava ke tohoaki’i ‘e ha kakai lalahi ‘a e fānau iiki mo e to’utupu ki ha ngaahi talanoa fakalielia.
- ‘E lava ke fakahā mai ‘e ha ni’ihi ‘enau fakakaukau mo honau loto ‘aki ha ngaahi lea ta’efe’unga, ‘oku ui eni ko e ‘flaming’ (kohu)’o ta’efakafiemālie leva ia ki he toenga ‘o kinautolu ‘oku kau mai ki he chatroom.
- ‘E lava ke vele’i pe takihala’i koe ‘e ha ni’ihi kehe ‘i he ngaahi Loki Talanoa mo e ‘uipisaiti kākā, ke ke fakahoko ange ha ngaahi fakamatala fakafo’ituitui ‘o kau ki ai ho ‘o ngaahi me’a fakapa’angá.
Fetalanoa’aki ‘i ha founga malu
- Tokangape ko hai ‘oku ke falala ki ai he ‘initaneti pea manatu’i ‘oku ‘iai ho ngaahi ‘kaume’a pe maheni’ he ‘initaneti ‘oku teeki ke mou feiloaki.
- Tauhi malu mo fakapulipuli ho’o ngaahi fakamatala fakafo’ituitui ‘i he taimi ‘oku ke ngāue’aki ai ‘a e ‘initaneti mo e ngaahi founga fetu’utaki fakasōsiale ‘o kau ai ho hingoa, tu’asila, fika telefoni, fika telefoni to’oto’o, ‘imeili mo ho ngaahi tā, ‘o tatau ai pē pe ‘oku nau kole atu.
- Manatu’i te ke lava pe ‘o hū-ki-tu’a (log out) ‘i ha fa’ahinga taimi ‘oku ke ta’efiemālie ai pe ngāue’aki ha hingoa fa’u pe fakapuli.
- ‘Oua te ke manavasi’i hono tuli mo ha taha ‘oku ‘ikai te ke fietalanoa mo ia.
- Fakakaukau lelei, kimu’a pea ke toki tali ha ngaahi tohi fakapulipuli mai.
- ‘Oua te ke ngāue’aki ho hingoa totonu ka e ngāue’aki ha hingoa fa’u (pea ‘oua te ke fili/ngāue’aki ha hingoa fa’u te ne uiui’aki ‘a e kau ta’efe’unga)
- Ngāue fakavave ke kumi tokoni kapau ‘oku ke pehe ‘oku faingata’a’ia pe ala hoko ha fakatu’utamaki ki ha taha ‘i he ‘initaneti.
- Ako ke ke ‘ilo ‘a e founga ke tauhi ha tatau ‘o e fetalanoa’aki ‘i he chat – ‘e lava ke faka’aonga’i eni kapau ‘oku fiema’u ke līpooti ha me’a.
- Līpooti ‘a kinautolu ‘oku nau maumau’i ‘a e tu’utu’u ni ‘o e kautaha chatroom.
- Matu’aki tokanga ange,’o kapau ‘oku teu ke ke fe’iloaki mo ha taha na’a ke toki maheni mo ia he ‘initaneti. Fakahā ki ha taha ‘i ho fāmilí pe ko hao kaungāme’a, pe ko ho’o mou ‘alu fakataha. Feohi ‘i ha fetaulaki’anga ‘oku kakai’ia. Fakamo’ui pea to’o ma’u pe ho telefoni to’oto’ó. ‘Oua na’a ke konā. Pea ke tauhi malu ho’o ngaahi koloa.
- ‘Oua te ke vahevahe noa’ia ho’o ngaahi fakamatala fakafo’ituitui ‘i he taimi ‘oku ke ‘i he ngaahi Loki Talanoa.
- Tokanga ange, ki ha’o alea ke fe’iloaki mo ha taha na’a ke toki maheni mo ia he ‘initaneti.
- Toe tokanga ange ki hono fai ha me’a koe’uhi ko ha’o muimui ki ha ngaahi fale’i meia kinautolu ‘oku kehe ‘enau tui mo fakakaukau fakafo’ituitui meia koe.