Ko hono faka’auha ko ia ‘o e ngaahi komipiuta ‘i he founga tonu, ‘e lava ke fakasi’isi’i ai e ngaahi maumau ki he ‘atakai mo fakapapau’i ai ‘oku ‘ikai ke ke maumau’i e lao.
Ni’ihi ‘o e ngaahi fakamatala ‘i he peesi ko ‘eni ‘oku faka’aonga’i ia ki he telefoni mopaila, ‘tablets’ mo e ‘game consoles’. Ki ha toe ngaahi fakamatala fakaikiiki, kataki ‘o vakai ki he ngaahi peesi ‘oku felave’i mo e ngaahi me’a ni ko ia ‘i he uepisaiti.
Ngaahi maumau ‘e malava ke hoko
- Ko e ngaahi fakamatala fakafo’ituitui ko ia ‘oku tanaki ‘i he ngaahi faile ‘i ho’o komipiuta, ‘oku lava pe ke hu ki ai mo faka’aonga’i ki ha ngaahi ‘ekitiviti hia.
- Ha fa’ahinga lea fakapulipuli pe ‘oku tanaki ‘i ho’o komipiuta, ‘e malava ke hu ‘aki ia ki he ngaahi uepisaiti ko ia ‘oku malu mo ma’u ai ho fakamatala fakafo’ituitui mo e fakamatala fakapa’anga.
- ‘Oku malava pe ke ma’u ha fa’ahinga ‘browsing’ hisitolia pe, ‘oku tauhi ‘i ho’o komipiuta
- ‘Oku malava pe ke hu ki he ngaahi ‘īmeili ko ia ‘oku tanaki ‘i ho’o komipiuta
- Ko hono faka’auha ko ia ho’o komipiuta kae ‘ikai ke ke toe feinga ke ma’u ho ngaahi fakamatala ‘a ia na’a fiema’u ki he kaha’u, ‘e fakatupu hela’ia leva ia mo fakamoveuveu.
Founga faka’auha ‘oku malu
- Hiki ha tatau kotoa ‘o e ngaahi fakamatala ‘a ia te ke fiema’u ‘i he kaha’u, ki ho’o PC fo’ou pe me’angāue tanaki’anga fakamatala, pe hiki hano talifaki ki he ‘cloud’.
- Ke ke tamate’i kakato ho tisi fakakomipiuta ke tamate’i faka’aufuli ‘aki ho ngaahi fakamatala fakafo’ituitui. Ko e tamate’i ko ia ‘o e ngaahi faile ‘oku ‘ikai fe’unga ia ki hono tamate’i kakato ‘aki e fakamatala. Pea ko ia ai, ngāue ’aki ha polokalama tamate’i pe sevesi tamate’i, pe te ke faka’auha fakaesino e ‘hard drive’ ke ‘oua ‘e toe lava ke ngāue ’aki. Pe kapau ‘oku kei lava pe ‘o ngāue ’aki e ‘hard drive’ pea kei falala’anga, te ke lava pe ‘o toe fakatui ‘i ha ‘external case’ ‘oku faka’uhila mo ‘i ai hono fehokotakinga USB pea ke ngāue ’aki ke talifaki mo fe’ave’aki ho fakamatala.
- Fakapapau’i ‘oku ke to’o mei ho komipiuta e CDs pe DVDs ‘oku ‘i ai ho fakamatala
- ‘Oua na’a ngalo ‘e lava ke kau ‘i ho’o ngaahi CDs, DVDs, ‘memory cards’, ‘USB sticks’ mo e ngaahi fehokotaki’anga USB me’angāue kehe, ho ngaahi fakamatala ko ia ‘oku pelepelengesi pea ‘oku totonu ke ke tokanga ki he founga ‘oku faka’auha ‘aki.
- Kapau ko e me’angāue fakakomipiuta ‘oku ‘i he ngata’anga ‘o ‘ene mo’ui pea ‘oku ‘ikai ke ke taumu’a ko e ke fakatau atu ia, pe foaki, ‘o ‘ave ki ha feitu’u totonu ke faka’auha ai, ‘a ia te ne fakapapau’i ‘oku veteki pea ko e ngaahi kongokonga ‘oku ‘recycled’ ‘i he founga totonu mo fakapotopoto.