Ngaahi maumau ‘e malava ke hoko
- ‘I he ‘ikai ko ia ke ‘i ai ha polokalama malu’i ke fakafo’ou ki ai, ko e PC ko ia ‘i he Windows XP ‘e laveangofua vave leva ia ‘i he ngaahi maumau ko ia ‘oku fakahoko ‘e he ‘malware’, pea ‘oku ‘ilo lelei ki ai mo e kau faihia.
- ‘E faka’aonga’i leva ‘e he kau faihia e ‘malware’ ko ia ki he ngaahi taumu’a lahi ‘o kau atu ki ai hono:
- Kaihaʻasi hoʻo falamatala fakaikiiki fakafo’ituitui mo e fakaikiiki fakapaʻanga ke lava ‘o fai ‘aki ha kaka
- Ma’u ho’o komiputa ‘e he ‘ ransomware’
- Fakahoko hano kaiha’asi ‘o e fakamatala fakafo’ituitui ‘oku fakapapau’i ‘aki koe ke nau lava ‘o ngāue ’aki ho ‘akauni pangikē , paasipooti mo e ngaahi me’a kehe pe ‘i ho hingoa
- Ke monitoa ho ‘īmeili mo e ngaahi founga fetu’utaki kehe
- Ke fakakau atu e PC ‘i he ‘botnet’, ‘a ia ‘oku fa’a ngāue ’aki ki hono ‘ohofi ‘a e uepisaiti ‘o e kautaha lalahi pe ko e pule’anga
- Faingata’a ange ke ma’u ‘e he XP PC ha sevesi pe ko hano fakalelei’i
- Toe lahi ange e me’angāue mo e polokalama ‘oku ‘ikai ke lava ke toe ngāue ’aki ‘i he Windows XP
Ngaahi fakatu’utamaki kehe ki he pisinisi
- Ke toe tanaki makehe atu ki he ngaahi me’a ‘i ‘olunga, ‘oku ke laveangofua koe ‘i he ngaahi hu ta’e ma’u ha mafai ki ho sisitemi fakamatala, pea ‘e iku ia ki hano ngāue ’aki pe kaiha’asi, ‘o ta’e fai pau ki he ngaahi fiema’u ‘a e ‘kautaha malu’i mo e/ pe kasitoma’ pea maumau’i ai mo e ngaahi lao ki he malu’i
- ‘Oku holo e lahi ‘o e ngaahi kautaha tu’u taha ko ia ‘oku ne ‘oatu e ngaahi tokoni ki he ngaahi naunau mo e polokalama fakakomipiuta pea pehe ki he sevesi ko ia ki he sisitemi Windows XP
Kimu’a peake fai e ngaahi me’a ko ‘eni, ‘oku mahu’inga ia ke ke hiki ha talifaki ‘a ho’o fakamatala ki ho PC mo fakapapau’i ‘oku ‘i ai e ngofua ke hu ki ai mo lava ke ma’u ‘i ha misini kehe.
Ke fakafo’ou ho komipiuta
‘Uluaki me’a ‘oku lelei ke fai, ko hono fokotu’u ‘o fakahū ha Windows fo’ou … ko e sai taha kapau ko e Windows 10, koe’uhi ko hono polokalama mo e me’a ‘oku ne lava ke fai.
Neongo ia, he ‘ikai ke lava ‘e he ngaahi komipiuta motu’a ia ‘o fakalele ‘a e Windows 10, pea ‘oku lahi e ngaahi me’a ia ke ke fili mei ai ‘o kapau ‘oku ke fakakaukau ke ngāue ’aki ha PC ‘oku fakaonopooni pea ‘i ai mo e ngaahi polokalama ‘productivity and collaboration tools’ ‘i he fakamuimuitaha. ‘Oku tonu ke ke talanoa ki ha taha ‘i he Microsoft Certified Partner ke mahino’i e founga lelei taha ko ia ‘oku fe’unga mo ho’o fiema’u.
Ngaahi pisnisi mo e kautaha ‘oku lalahi ange: ‘Oku ‘oatu ‘e he ngaahi pisinisi lalahi ‘a e ngaahi tokoni fakatekinikale ‘oku toe loloto ange, me’angāue , mo e fale’i fakapalofesinale ke fakafaingofua’i ‘aki hono tufaki mo fakalele ‘o e Windows, Office mo e Internet Explorer mo ha tekinolosia pe. Ke toe ako ki he fehikitaki mo e ‘deployment programs’, fetu’utaki ki ho’o fakafofonga ko ‘i he Microsoft pe Certified Microsoft Parnter. Te ke lava pe ‘o toe ako ki hono ‘pilot and deploy’ ha ‘desktop’ fakaonopooni, mei he Microsoft Deployment Toolkit.