Koe ngaahi maumau ‘e malava ke hoko
- Koe kaiha’a founga kākā meihe ngaahi totongi na’e fai kihe ngaahi peesi ta’e ’iai hano malu’i.
- Koe ngaahi fakatau’anga tikite loi – ngaahi peesi initaneti moe īmeili ‘oku tu’uaki mai ai ‘ae tikite ka koe loi pe
- Tu’uaki loi ‘ihe peesi initaneti ‘ae kau poupou – fakatau e ‘u tikite ka ‘oku hala ataa ke ‘iai.
- ‘Ikai ma’u ‘ae ‘u tikite, hili hono fakahu hangatonu ‘ae pa’anga kihe akauni pangikē ‘ae kau kaiha’a.
- Ma’umai ‘ae tikite ‘oku ‘ikai tatau moe fakamatala na’e tu’uaki ‘aki
Fakatau tikite pau.
Fakatau pe ‘ae tikite meihe feitu’u fakatau’anga tikite pau (box office), tokotaha tu’uaki, fakafofonga falala’anga pe koe ngaahi fakatau’anga tikite ‘oku lelei honau lekooti.
- Manatu’i koe totongi’aki ‘ae kaati pangikē (credit card) ‘oku malohi angē ‘a hono malu’i meiha toe founga kehe ki hano ta’ofi ‘ae kaiha’a he initaneti, aleapau tohi ‘oku ‘ikai hano mahu’inga moe ‘ikai ke ma’u ‘ae fakatau.
- Fakapapau’i tu’o ua ‘ae fakaikiiki kotoa ho’o fakatau tikite kimu’a pea ke toki fakahoko ‘ae totongi.
- ‘Oua teke tali ha meili noa’ia ‘oku hu mai mei he kau tu’uaki fakatau ‘oku ‘ikai teke fakatonga’i.
- Kimu’a pea ke fakahu ‘ae fakaikiiki ho’o kaati pangikē ‘iha peesi initaneti, fakapapau’i koe tu’asila fetu’utaki ‘oku malu he founga ‘e ua.
- ‘Oku tonu ke ha mai ‘ae faka’ilonga ‘oe fo’i loka ‘ihe browser ‘ihe mata ‘oe komipiuta (window frame), ‘aia ‘e ‘asi he taimi ‘oku ke feinga ai ke fakaava pe lesisita ho’o komipiuta. Fakapapau’i koe fo’i loka ‘oku ‘ikai ke ‘ihe peesi ‘oku fakaava … koe faka’ilonga ia ‘oku ‘iai ‘ae founga kākā moe taumu’a ke fakahoko ha hia mei ha feitu’u ta’e fakapapau’i.
-
- Koe tu’asila ‘oe peesi initaneti ‘oku tonu ke kamata’aki ‘ae ‘https://’. Koe ‘s’ ‘oku ne faka-fofonga’i ‘ae malu (secure).
- Koe fakahinohino ‘oku ha atu ‘i ‘olunga ‘oku ne talamai pe ‘e ia koe tu’asila fetu’utaki ‘ihe vaha’a ‘o ‘ou moe pule ‘oe peesi initaneti ‘oku malu, ka ‘oku ‘ikai ke ne talamai ‘e ia koe peesi koia ‘oku mo’oni.
- Koe ngaahi peesi initaneti ‘e ni’ihi te nau fakahoko koe kiha kautaha kehe keke totongi kiai (hangē koe WorldPay). Fakapapau’i koe ngaahi feitu’u koia (third-party payment service) ‘oku malu kimu’a pea ke fakahoko ho’o totongi.
- Fufu’i pea mo manatu’i ‘ae lea fakapulipuli kuo ke fili ke ngāue ’aki kihe ngaahi fiema’u makehe meihe ‘u peesi initaneti ‘e ni’ihi fekau’aki mo koe, hangē koe lea fakapulipuli ‘oku ne malu’i ho’o kaati pangikē mo fakamahino kiate koe ‘oku malu keke ngāue ’aki ho’o kaati he pangikē initaneti (Verified by Visa).
- ‘Oka ‘iai ha taimi teke fakatau ai ha tikite mei ha peesi fakafo’ituitui (fakatataa mei he eBay), ‘oua ‘aupito teke fakahu hangatonu ‘ae pa’anga kihe ‘ene ‘akauni pangikē ka ke ngāue ’aki pe ‘ae founga totongi pau hangē koe PayPal, ’a ee ‘oku fakahu ai ‘ae pa’anga ‘ihe fengāue ’aki he vaha’a ‘ae ongo ‘akauni ‘ilekitulonika.
- Fakapapau’i ‘ae tu’utu’uni pe makatu’unga fakalao ‘ae tokotaha pe kautaha fefakatau’aki moe tu’utu’uni kihe fakafoki ‘oe koloa ‘osi fakatau.
‘Logout’ ma’upe meihe ‘u uepisaiti ‘a e nake ‘login’ pea mo ho lesisita ho titeila. Koe tapuni koe ho ‘browser ‘oku ‘ikai ke fe’unga ia ke malu ai koe.
- Tauhi ‘ae ‘u pepa talitotongi
- Siofi lelei ‘aupito ho’o kaati pangikē moe lekooti faka-pepa he pangikē ‘iha ‘osi ha’o fakatau tikite he initaneti ke fakapapau’i ‘oku tonu ‘ae silini kuo ‘osi to’o, pea ne ‘ikai ke hoko ha kākā ‘ihe fakahoko ‘oe fakatau na’e fai.
Fakapapau’i ‘oku ‘iai ‘ae polokalama antivirus/moe antispyware fo’ou moe polokalama ‘oku ne fakasio ‘ae fehu’aki ‘ae ngaahi teita (Data) ‘oku nau mo’ui mo ngāue kimu’a pea ke fakaava ‘ae initaneti.