Talanoa ki ho’o fānau fekau’aki moe founga malu ke fekumi fakamatala, mo fakahinohino kinautolu ki he ngaahi saiti malu ma’ae fānau
Fakapapau’i ko ho’o ‘browser’ ‘oku seti ke ‘oatu kia koe e malu’i ‘osi ha’u pe mo e komipiuta, malu mo e malu’i polokalama mo e filita ki he ngaahi polokalama fekumi ke to’o ai e ngaahi me’a ‘oku ta’efe’unga hangē ko e ‘imisi fakasekisuale, lau lanu mo e ngaahi me’a ki he ma’u me’atokoni ‘i he founga kovi ki he sino, pea mo e fakalavea’i pe ‘o kita.
Ko e ‘ikai ko ia ke ‘i ai ha founga ke pule’i ‘aki, ‘e pau pe ke fetaulaki ho fānau mo ha ngaahi me’a ‘oku ‘ikai taau ki he’enau ta’u… pe ha fa’ahinga ta’u pe. Kapau te ke ma’u atu ho leka na’e sio pe ma’usia he me’a, ‘oua te ke pehē ko e sio noa’ia, ka mo talanoa’i ‘a e ‘uhinga ‘oku ‘ikai ai ko ha me’a lelei ke fai. Talanoa ki ho ki’i ta’ahine pe ki’i tamasi’i felave’i mo e ngaahi uepisaiti ko ia ‘oku nau sio ki ai. Fakalotolahi’i ki nautolu ke talaatu kapau na’a nau ma’u ha ngaahi me’a ‘oku nau hoha’a ki ai pe mamahi ai ‘i he ngaahi uepisaiti, keimi pe netiueka fakasōsiale.