Founga ke fakaʻehiʻehi ai mei he fuʻu totuʻa ho me’a ‘oku vahevahe atu
- Ko e taha ʻo e ngaahi founga lelei taha ke ʻoua naʻa fuʻu totuʻa ai ho vahevahe fakamatala ‘i he mitia fakasōsiale, ko hono fakapapauʻi kuo ke ‘osi seti ho ʻakauni ke fakafoʻituitui.
- ‘Oua te ke teitei fakahu ha ngaahi fakaikiiki, ‘aia ‘e malava ke fakatahaa’i mo ngāue kovi ‘aki ‘e he kau kākā – fakatata ‘aki ho, ta’u, ‘aho fa’ele’i, tu’asila, ‘apingāue, fuofua ‘apiako, hingoa kimu’a pea toki mali ‘a ho’o fa’ee, famili, pe hingoa ‘a ho’o manu, pe ko e ngaahi lea fakapulipuli kehe ‘oku mate’i ngofua.
- Ko ho’o ‘oangē ko ia ‘a e ngofua ke ngāue’aki ‘a ho’o mitia fakasōsiale, ka ke lava ‘o hu ki ha fe’auhi, ma’u ai ha’o pale, pe ko ha’o kau atu ‘i ha savea, ‘oku malava heni ke ke ‘oatu ai ho fakamatala ‘a ia ‘oku totonu ke ‘oua te ke fakaha holo.
- ‘Posting’ mo vahevahe atu e ngaahi la’i ta mei he taimi ko ia na’a ke mavahe atu ai ko ha ‘aho malōlō , pe ko ha me’a fakapisinisi, pea ‘oku malava ke fakatokanga’i ai ‘e he kau kaiha’a ‘a e ‘ikai ko ia ke ‘i ai ha taha ‘i ho’o ‘api. Pea ke tamate’i kotoa mei ho ‘app settings’ ‘a e ngaahi sevesi ko ia ‘oku ne lava ‘o tala e feitu’u ‘oku ke ‘i ai
- Ko e ngaahi me’a ‘oku hoko ‘i he ‘initaneti, ke nofo pe ‘i he ‘initaneti. Fakakaukau tu’o ua kimu’a pea ke lomi’i e ‘post’, ke ‘oua te ke fakamaa’i, pea ke ‘oua ke uesia ai koe, pe uesia ai ha ni’ihi kehe. Ko e 70% ia ‘o e kau pule ngāue, ‘oku nau faka’aonga’i ‘a e mitia fakasōsiale ke vakai’i ‘aki ‘a e kau kanititeiti, kimu’a pea toki fakangāue’i kinautolu, pea ko ia ai, ke ke ‘eke ma’u pe ki ho’o kaungame’a, pe ‘oku SAI PE IA, kimu’a pea ke ‘post’ ‘e la’i ta ‘oku nau ‘asi ai, pe ko ‘enau fanau
- Fakakaukau tu’o ua ki he ngaahi ‘post’ mo e ngaahi lai’ta ko ia ‘oku ke vahevahe. Ngaahi laiseni faka’uli, ngaahi paasipoosti, tohi ‘e ni’ihi, pea mo e ngaahi me’a fakapepa kehe, ‘ai ‘oku ma’u ai e ngaahi fakamatala pelepelengesi, ‘a ia te ke fiema’u ke fakamo’oni’i ‘aki ho ID.
* Ngaahi fakatata naʻe toʻo mei he savea 2017 mei he careerBuiders: https://www.careerbuilder.com/advice/social-media-survey-2017