- ‘I he komipiuta mo ha ha fa’ahinga me’angue ‘oku lava ngāue’aki ‘e ho’o fānau, ngāue’aki e ‘parental controls’ (polokalama ke pule’i ‘aki ‘e matu’a e ‘ekitiviti e fānau he ‘initaneti) ki he ta’u fakapotopoto, mo fakangofua e hu ki he ngaahi me’a ‘oku taau.
- Fakatau pe ‘download’ e polokalama ‘parental control’, fakamo’ui pea ke ‘update’ ( fakafo’ou ki he polokalama fakamuimuitaha). ‘Oku lahi e ngaahi liliu ki he polokalama ‘i he maketi, pea ‘oku ngāue ‘i he ngaahi founga kehekehe pe pea fakatau atu ‘i he totongi kehekehe pe, ‘o kamata ‘aki ‘ene ta’etotongi.
- ‘Oku ‘i ai e ni’ihi Internet Service Providers (ISPs), ‘oku nau ‘oatu ki he ‘enau kasitoma e polokalama ‘parental controls’ ta’etotongi ‘a ia ‘e lava pe ke fangāue’i ‘i ha fa’ahinga taimi pe. Vakai’i kinautolu pea faka’aonga’i lelei ‘aki.
- Fakangofua e ngaahi lisi pe ‘o e ngaahi uepisaiti ke ngāue’aki ‘e ho fānau kenau ‘a’ahi mo e ngaahi fakamatala fakafo’ituitui ‘oku tonu ke ‘oua tenau fakaha fekau’aki mo nautolu ‘i he ‘initaneti, hangē ko e hingoa ‘o ‘enau ‘apiako pe ko e tu’asila ‘enau ‘api.
- Fokotu’u e taimi fe’unga ki he ngaahi ‘ekitivit hangē ko e ngāue’aki e ‘initaneti mo e keimi.
- Fakapapau’i ko ho’o fānau ‘oku nau ngāue’aki pe ‘a e ngaahi me’a ‘oku fe’unga mo ‘enau ta’u ‘aki ho vakai’i e ta’u ngofua ‘i he ngaahi keimi, ‘initaneti TV, filimi mo e polokalama fakakomipiuta.
- Talanoa mo ho’o fānau ‘oku lalahi angē ki he me’a tonu ke nau fai pe ngaahi me’a ‘oku tonu ke ‘oua tenau fakaha ki he fānau iiki ‘i he ‘initaneti, mopaila, keimi mo e ngaahi me’angāue kehe.
- Talanoa ki he matu’a kehe fekau’aki mo e ta’u totonu ke fakatau ki he fānau e me’angau ko ia ‘oku lava ‘o fetu’utaki ai he ‘initaneti.
- ‘Oua tukuangē ke fakamalohi’i koe ‘e ho’o fānau ke ‘oangē kianautolu kenau ngāue’aki e tekinolosia pe ke nau mamata ki he ngaahi me’a he ‘initaneti, kapau ‘oku ‘ikai ke ke fakakaukau ‘oku ta’u fe’unga pe lahi fe’unga … tatau ai pe pe ko e ha e lahi ‘enau fakahoha’asi koe pe ko e ha ‘a e ngaahi me’a ‘oku fakangofua ‘e he matu’a ‘enau ngaahi kaungame’a
English
