Koe ‘u fika na’e ma’u he fekuni’ ’i ‘e he ‘Get Safe Oline’ ‘oku ne fokotu’u mai fakasiteitisitika ‘o e lahi e mātu’a moe fānau ‘oku nau ngāue‘aki e ‘initaneti kihe va’inga:
- Peseti ‘e 5 ‘oku nau hoha’a kihe malu ‘enau fānau
- Peseti ‘e 37 ‘oku nau ongo’I ‘oku ‘ikai kenau lava’I ‘enau fānau
- Peseti ‘e 24 ‘oku ‘ikai kenau maa’usia e fakatu’utamaki kihe ‘enau fānau he va’inga he ‘initaneti
- Peseti ‘e 25 ‘oku nau ‘ilo e tukuatu ‘ehe fānau ‘a e titeila fakafo’ituitui lolotonga ‘enau va’inga he ‘initaneti
- Peseti ‘e 35 ‘oku nau pehē ‘oku ‘osi talanoa ‘enau fānau kihe taha ‘oku ‘ikai kenau ‘ilo’I he lolotonga ‘enau va’inga he ‘initaneti
- Peseti ‘e 16 ‘oku nau pehē ko ‘enau fānau ‘oku ‘osi pa’usi’i pe koe lea kovi’i.
Ngaahi maumau ‘e ala hoko
Koe maumau ‘oku tupunga lahi ia mei he tokolahi e kakai ‘i he fonuani mo muli ‘oku nau va’inga, pea ‘oku si’i hono ta’ofi pea ko taha ‘oku ‘ikai faiha fesiofaki mata. Koia ai, he’ikai ke māhino ’I ho fānau pe ko hai ‘oku nau va’inga mo talanoa kiai…pe koe ha koa ‘enau taumu’a. ‘Oku faka’ofa he ‘oku hanga he kakai ‘oku ‘ikai kete ‘ilo ‘o takiaki’i kita ‘aki e fakalielia, to’onga ta’efe’unga, kaka’I pea mo ha toe hia kehekehe he ‘oku hoko e to’onga koia ko ha angamāheni. Koe maumau ia ‘e tupu he lahi angē e va’inga he ‘initaneti ‘aki e mopaile, ka ‘ikai koe komipiuta fakafāmili, pea si’I angē ai e faingamālie keke vakai’I pe koe ha e me’a ho fānau ‘oku sio’i he ‘initaneti.
Ngaahi maumau kehe ‘e ala hoko:
- Va’inga ho fānau moe ta’e fe’unga e to’u
- Hanga ho fānau ‘o ngāue’aki ho ‘credit card ‘ pea lele ai ho mo’ua ‘o kapau tene ma’u
- Houa lahi ‘oku va’inga ai he ‘initaneti pea ‘ikai kau ai ha fakamalohisino, fakasōsiale fakamamani lahi pea moe ngāue fakaako.
Founga ke malu ai e taimi ‘oku ‘initaneti ai ho fānau
- Talanoa tau’ataina pea mo’oni ki ho fānau fekau’aki moe va’inga he ‘initaneti moe ngaahi maumau ‘e ala hoko.
- Ako’I ho fānau kihe ngaahi fakatu’utamaki kapau tenau tukuangē atu e titeila fakaikiki ‘o hangē koe tu’asila ‘īmeili, tu’asila e ‘api nofo’anga, memipa ‘o e family pe ko ha titeila fakapa’anga
- Fakamatala angē ‘oku ‘iai e taimi koe kakai e ni’ihi ‘oku nau faka’alinga pea ‘oku ‘iai ‘enau fakakaukau kehe pea ta’efe’unga.
- Talaangē ki ho fānau ‘oua tenau tali e laukovi mai pe ko ha toe fa’ahinga founga ta’etaau pea kenau lipooti foki he taimi tatau
- Kau mo koe mo ho fānau he va’inga he ‘initaneti he taimi e ni’ihi pe ko ho faka’ohovale’i. ‘E lava leva keke māhino ’I e va’inga ‘oku nau tofanga ai pea mo hai ‘oku nau va’inga.
- Seti pea ke tokanga ke limiti’i e taimi he ‘aho kotoa pe koe fakauike kihe taimi ‘oku va’inga ho fānau he ‘initaneti.
- Vakai’I e ta’u ‘oku ngofua ki he ‘u va’inga koe’uhi ke fakapapau’I ‘oku ‘ikai ke ma’u he fānau ha me’a ta’efe’unga ai, ‘Uhinga ai ‘oku ‘asi koe ta’u 18 pe.
- ‘Oua na’a ‘oangē ki ho fānau e titeila kiho kaati pangikē he ‘oku mamafa ‘aupito e ‘u fiema’u kehe,
Koe tali kihe ngaahi fehu’i mālie ‘oku ha’u meihe matu’a tauhi fānau moe kau va’inga fekau’aki moe keimi vitio ta’u totonu ke va’inga moe fale’I kihe founga ‘e va’inga ‘ihe fakapotopoto taha, vakai ki he http://askaboutgames.com
Fakamatala tanaki atu
Koe polokalama ma’e tauhi fānau kihe founga ke malu’I ai e fānau he va’inga he ‘inititaneti: http/www.everybodyplays.co.uk/parents-guide-to-games