Ke toe tanaki atu e tafa’aki ‘e tahi ki he ‘elemeniti va’inga fakatokolahi, ko e kau va’inga ‘oku nau fa’a fetu’utaki ‘i he ‘integrated chat’ pe felea’aki he maika pe ko e me’angāue ki he fanongo. ‘Oku lahi ‘a e ngaahi keimi – mei he veimau mo e pele kaati ki he ‘uluaki-tokotaha fana mo e ngaahi keimi ‘adventures’ ‘a ia ‘oku kau atu ki ai e tokolahi he taimi pe ‘e taha – ko e konga ia ‘oku kau ki he polokalama keimi. ‘Oku toe fakalalahi angē ‘a e fakamole fakapa’anga ia ‘i he keimi ki he ‘initaneti ke fakatau ‘aki e ‘in-game property’.
Ngaahi maumau ‘e malava ke hoko
- ‘I he Massive Multiplayer Online Role Playing Games (MMORPGs or MMOs), ko e ‘i ai ko ia ‘o ha komiuniti fa’u ‘aki e kakai kehekehe ‘i he ‘initaneti pea mo e ngaahi fealealea’aki ‘aki ha fa’ahinga me’a pe, ‘oku ne fakatupu ‘e ia e ngaahi maumau hangē ko e ngaahi me’a ko ‘eni:
- Ko hono ‘ave ‘e te fakamatala fakafo’ituitui hangē ko e lea fakapulipuli, ‘īmeili pe tu’asila ki hoto ‘api pe ko hoto ta’u ‘i he fehalaaki pe ‘i he ta’etokanga.
- Katoa ‘o e ngaahi fakatu’utamaki ‘oku fekuki mo e ‘chatrooms’ ‘i he ‘initaneti
- ‘Download’ ‘kākā’ ‘a ia ‘oku pehee ko hono tokoni’i koe ka ko hono mo’oni, ‘oku kau ai e vailasi/spyware
- ‘Download’ pe ko hono ma’u ‘aki ‘i he founga ‘e taha, hangē ko hono hiki ‘a et tatau ‘o e keimi ta’efakalao, ‘e malva ke hoko ai ha tautea, hangē ko hono kaniseli fakataimi ho ‘akauni, poloka’i ‘o e ‘consoles’ mei hono ngāue ’aki ke hu ki he ngaahi kautaha fa’u keimi.
- Ko ‘e te māhino’i ko ia e kau hia ‘i ha ‘a nau fakatau pe fakatau atu ‘o e ngaahi ‘virtual, in-game property’ – hangē ko e ngaahi me’a ‘oku mahu’inga, mo ma’olunga ‘i he tu’unga fakakeimi – ‘o kapau ‘e kau ai ha pa’anga ki he fakamole.
- ‘Griefing’ – ‘i he taimi ‘oku hanga ai ha taha va’inga ‘o faka’ilonga’i koe tokotaha ‘i he’ene taumu’a ke ke ta’eoli’ia
- Faka’auha ‘o e me’ava’inga ‘consoles’, PCs mo e mopaila me’angāue kae te’eki ke ke tamate’i ho fakamatala fakafo’ituitui mo ho’o fakaikiiki ki ho’o ‘akauni
- ‘Download’ e keimi mei he uepisaiti pe ‘app-based games’ ta’etotongi ‘a ia ‘oku totongi ka ke ka ngāue ’aki kakato e fo’i keimi.
- Va’inga laulau houa ‘o hoko ai ‘o fu’u anga ai ‘o faingata’a ke tuku
Founga malu ki he keimi
- Va’inga he ‘initaneti ‘i he taimi pe ‘oku ‘i ai ai ha polokalama ‘antivirus/antispyware’ mo ha ‘firewall’ ‘oku ola lelei mo ‘i fakamuimuitaha pea ‘oku ngāue.
- Va’inga ‘aki e ngaahi keimi ‘oku ‘osi ma’u ha ngōfua ke ngāue ’aki fakalao ‘a ia na’a ke fakatau mei feitu’u tonu pea ‘oku ‘i ai mo hono laiseni.
- Fakapapau’i e mo’oni mo e malu ko ia ‘o ngaahi faile ‘oku ke ‘download’ pea mo e ngaahi polokalama fo’ou ‘aki ha’o fakatau mei he ngaahi feitu’u pau.
- Fili ha ‘username’ (hingoa ngāue ’aki ki ho ‘akauni) ‘oku ‘ika lava ke tala ai ho fakamatala fakafo’ituitui. Tatau pe ‘o kapau ko e keimi ‘oku ne lava ‘o fa’u ha fakamatala fakahisitolia fakafo’ituitui, fakapapau’i ‘oku ‘ikai te ke ‘ave noa’ia ho fakamatala fakafo’ituitui.
- Ngāue ’aki ha lea fakapulipuli ‘oku faingata’a.
- ‘Oua te ke fakaha ha fakamatala fakatautaha ki ha taha va’inga pe he keimi.
- Ke tauhi ma’u pe e polokalama keimi ki he fakamuimuitaha. Ko e keimi fakatokolahi ‘oku ‘otometiki pe ‘e ne fakafo’ou kimu’a pea toki fehokotaki mo koe. Ke ke fu’u tokanga ange ki hono ‘download’ ko ia ha polokalama fakakomipiuta ‘oku felave’i mo e keimi.
- Ke ke tokanga ki he ‘scams and cons’ ‘i he taimi ko ia ‘oku ke fakatau pe fakatau atu ai ha ‘ngaahi me’a’ ‘oku ‘asi ‘i loto ‘i ho’o keimi, ka ‘oku mei he mamani mo’oni.
- Lau e ‘terms and conditions’ ‘a e kautaha fa’u keimi pe kautaha ‘oku ne fakalele ‘a e keimi he ‘initaneti ke fakapapau’i ‘oku ‘ikai ke ‘i ai ha ngaahi totongi ke fakahoko pe he taimi ko ia pe ha totongi ki he kaha’u ka ‘oku fufū’i.
- Taimi ko ia ‘oku ke faka’auha ai ho ngaahi naunau keimi ‘aki ha’o fakatau atu, pe ‘scrapping’, foaki noa’ia pe foaki ki ha taumu’a ke tokoni, fakapapau’i ‘oku ‘osi tamate’i kotoa ho fakamatala fakafo’ituitui. Ko e founga ke fai ‘aki ‘eni ‘oku kehekehe ki he me’angāue kotoa. ‘Oua ‘e ngalo ke ke tamate’i ho fakamatala fakaikiiki, pea hiki ha tatau pe ‘ave ho keimi ki ha me’angāue fakakomipiuta ‘oku fe’unga.
- Seti ha ngaahi tu’utu’uni fakahinohino ki ho’o fanau ki he taimi ‘oku nau va’inga ai ‘i he ‘initaneti.
Ki ha toe Fakamatala
Ko e fakahinohino ki he ngaahi matu’a ke tauhi ‘aki ‘e nau fanau ke malu ‘i he va’inga keimi ko ia ‘i he ‘initaneti: http://www.everybodyplays.co.uk/parents-guide-to-games
Ngaahi keimi kehekehe pe he ‘initaneti ‘oku fakamatala atu ia ‘i he vitoo ko ‘eni: https://www.youtube.com/user/FamilyGamerTV