Neongo ia, ʻoku ʻi ai ha drawbacks … hangē ko hono lokaʻi mei homou ʻapi ʻe hoʻomou loka fakaʻilekitulonika ʻi he meʻa ne hoko ʻi ha ʻikai ha malohi. Neongo ia, ʻoku lahi angē ʻa e ngaahi meʻa ʻoku tuʻu fakatuʻutamaki ki hoʻo ngaahi meʻangāue ʻoku ne ʻave ʻa e fakamatala. ʻOku maʻu ʻeni koeʻuhi ko e fakangatangata ʻa e ʻilo ʻa e kau fakaʻaongaʻi fekauʻaki mo hono maʻu kinautolu, ka ko e taimi ʻe niʻihi ʻoku ʻikai ke nau maʻu ha maluʻi mo ha ngaahi founga ngāue ʻi he konga ʻo e kau faʻu koloa, ʻa ia ʻoku nau fakaʻaongaʻi ʻa e lea fufu tatau ki he meʻangāue kotoa pe ʻoku fakafolau atu.
Ngaahi maumau ‘e malava ke hoko
- ‘Oku malava pe fakafetaulaki’i ta’efakalao e ngaahi e ngaahi fakamatala ko ia ‘oku fe’ave’aki ‘e ho’o me’angāue fakapoto, ‘e ola ia ‘i he ta’efakangāue’i ‘o ha sisitemi malu’i, pe ko hono seti ‘o e ‘thermostat’ me’a fakamafana ki he lahi taha, ki hono fakaha ‘o e feitu’u fakatu’asino ‘a ho’o fanau ‘i he ‘e nau ‘tablet’, pe ko ho’o fe’unu’aki holo ‘oku siofia ia ‘e ha taha ‘i ho ngaahi me’afaitaa.
- Ko e fakamatala ʻoku tanaki ʻe he ngaahi kautaha na’a ne fa’u e me’angāue – ʻa ia ʻoku totonu ke fakaʻaongaʻi ke tokoni ki fa’u ‘o e ngaahi koloa mo e ngaahi taumuʻa ʻa e R&D – ʻe lava ke ngāue’aki ia ʻi he ngaahi tuʻuaki fakamaketi mei he kau faʻu koloa mo e/pe fa’ahi kehe
- Ko e kau kautaha fa’u koloa fakatekinolosia mo kinautolu ‘oku fa’u polokalama ‘app’, ‘oku nau lava ‘o ma’u e fakamatala fekau’aki mo ho’o ngaahi fieama’u fakatautaha mo e ngaahi ‘ulungaanga ‘oku ke fiema’u ke tauhi ‘iate koe.
Ke fakapapau’i ‘oku malu ho’o ‘api fohokotaki fetu’utaki mo malu’i
- Fakapapauʻi ʻoku malu hoʻo Wi-Fi: vakai ki he ‘emau advice page on Wireless Networks & Hotspots.
- Ki he ngaahi meʻangāue ʻoku ke fie maʻu ki ai ha lea fakapulipuli (pea pehē ki hoʻo lea fakapulipuli ki he Wi-Fi) ke fakafehokotaki ki he ‘initaneti, fetongi e ngaahi lea fakapulipuli na’e ‘osi ‘i ai pe ia te’eki ke ke liliu. Lau ‘etau peesi fale’i ki he ‘passwords’ (lea fakapulipuli)
- ʻOua naʻa ke teitei fakaʻaongaʻi ʻa e lea fakapulipuli tatau ki ha meʻangāue ʻoku fehokotaki mo ha taha pe lahi angē, pe vahevahe ʻa e lea fakapulipuli mo kinautolu kuo ke ʻosi fakaʻaongaʻi ki ha ngaahi ʻakauni kehe ʻi he ʻInitaneti.
- Fakapapauʻi ʻoku feʻunga kotoa hoʻo ngaahi komipiuta mo e ngaahi me’angāue toʻotoʻo mo e polokalama fakamuimuitaha ‘i he ‘internet security’ (malu’i ki e ‘initaneti) / ’app’, pea maluʻi foki mo e ngaahi me’angāue ko ʻeni ʻaki ha PIN pe ‘passcode’ (lea fakapulipuli).
- Vakaiʻi ʻa e ngaahi ‘app’ ʻoku felave’i mo hoʻo ngaahi meʻangāue ko ia kuo ‘osi fehokotaki ke fokotu’u ‘o fakahu ha ngaahi ‘updates’ (polokalama fakamuimuitaha) ʻi he taimi pe ‘oku fiema’u ai.’Ikai ngata ai, vakai’i ma’u pe ‘a e ngaahi uepisaiti ‘o e ngaahi kautaha fa’u polokalama ki he ngaahi ‘updates’, he ‘oku fa’a tuai ‘e nau fakafou atu ia ki he ‘uu ‘apps’
- Kapau ‘oku ke lava, ta’efakangāue’i ‘a e fehu’aki mei he ‘remote-management’ (pule’i mei he mama’o) mo e me’angāue ke ko ia ‘oku malohi ‘ene ngāue ki he netiueka ‘o kapau he ‘ikai ke ke ngāue’aki
- Fakakaukau angē, ko hono fakatau ‘a e ngaahi me’a ‘oku ʻiloa, mei he kautaha ‘oku lelei hono ongoongo, ‘oku ‘uhinga ia ki he founga ‘oku tokanga ‘aki ki hono malu’i ‘o e koloa – pea pehē kia koe mo e malu’i ki ho’o famili
Kapau ‘oku ke uesia ‘i he fetu’utaki ‘aki ho me’angāue, pe ko ha ‘uhinga kehe pe, lipooti ia ki he kau polisi ‘aki e vave taha