‘Oku ke ‘ilo ko e ha e uepisaiti ‘oku ngāue’aki ‘e ho fānau? ʻOkú ke ʻiloʻi e founga ʻo ʻenau ngāué, meʻa ʻe lava ke lea ʻaki pe fai kiate kinautolu ʻe hoʻo fānaú mo e kakai ʻoku nau ʻfeʻiloaki mo iá?
Ki he poini, ‘oku ke ‘ilo koaa e fakatu’utamaki ki he fānau hono ngāue’aki e ngaahi saiti ko’eni? Kapau ko e:
- Talanoa mo e kakai ‘oku nau pehē ko e ‘kaunga me’a’, ka ‘oku nau fiema’u ‘ekinautolu ke fakahoko ha kovi
- Fevahevahe’aki pe mamata ki ha ngaahi me’a kakai lalahi ta’efe’unga pe ngaahi me’a kehe pe
- Fakamamahi’i pe mo’ulaloa i ha fa’ahinga ngaahi kovi’i kehe
- Pole’i ke fakahoko e ngaahi fakatu’utamaki pe ngaahi ngāue ta’efe’unga pe ‘dares’ ‘i he me’afaitā
- Ke fakaha fakafo’ituitui pe fakamatala fakatautaha fekau’aki mo nautolu, kaungame’a pe fāmili. . Pe fokotuʻutuʻu ke feʻiloaki mo ha taha kuo nau fetaulaki mo ia ʻi he ʻInitaneti, ka ko e tokotaha ko ia ‘oku ‘ikai ko e taha tonu ia
Ko e ngaahi me’a si’i pe ‘eni ‘o e ngaahi saiti ‘oku fa’a lahi ngāue’aki te ke ma’u ho fānau ‘oku nau ngāue’aki. Te ke ma’u ha toe fakaikiiki angē ‘i he saiti ‘o e netiueka fakasōsiale hangē ko e Facebook mo e Twitter, ‘i heni.
Lahi ‘o e ngaahi saiti ‘oku nau ngāue’aki e vitio hangatonu ki he fetu’utaki, pe fe’ave’aki ta. ‘Oku ne fakaava ai e matapa ki he kakai ke nau ‘ave ta ko ia ‘oku ‘ikai ke taau.
Lahi e kakai ‘oku ‘i ai ‘enau lao fakafo’ituitui ki ta’u ke lesisita ai ‘i ha memipa, pe ko e ngaahi me’a, ‘imisi pe me’a ‘oku fakangofua ki he kau memipa kenau vahevahe. ‘Oku fakafalala e founga lesisita ki he falala’anga mo e mo’oni, ka ‘oku faingofua ki he fānau ke nau fakapuli ke ‘asi ko ha taha lahi. Mo e ngaahi tu’utu’uni pe ki fa’ahinga me’a ke vahevahe ‘oku faingofua pe ngāue kovi ‘aki. Kataki ʻo lau ʻa e faleʻi Safeguarding Children (ki hono maluʻi ʻo e fānau ) ʻi he uepisaiti ko ʻeni ki he founga ke ke fengāue’aki ai mo hoʻo fānau ke maluʻi kinautolu ʻi he ʻInitaneti ʻa ia ʻoku kau ai ʻenau telefoni mo e tablets.
Snapchat
Ko e Snapchat ‘oku manakoa ia ki he fevahevahe’aki e ngaahi ta ‘i ha Apple mo e Android mopaila, ‘ai ‘oku ne tukuangē koe ke ke vahevahe ho ta ‘i he sekoni si’i pe pea ‘pulia’. Ka ko ia pe ‘oku ne ma’u ha ta, ‘oku ne lava ke tauhi ia ‘aki ‘ene ngāue’aki e ‘screen shot’, pe ko ha polokalama ne ‘osi fa’u ke ma’u e ta ‘ikai ke fiema’u ke fai ‘aki e ‘screen shot’. Koe saiti ko ia ‘oku lahi hono talanoa kovi’i koe’uhi ko ‘ene faingofua ke ngāue’aki ki hono muimui’i pe teuteu’i ha ki’i leka. Ko e ta’u si’isi’i taha ‘oku ngofua ‘aki ke kau atu ki he saiti ko e 13 ‘o kamata mei ai, ka ‘oku lahi pe e fānau ‘oku nau toe iiki angē.
Instagram ko e netiueka fakasōsiale sevesi ki hono fe’ave’aki ta mo e vitioo pea ‘oku ma’u ‘e he Facebook. Ko e ngaahi ‘imisi ‘oku ma’u ia mei he ngaahi mopaila – ‘ikai ‘i ha komipiuta. Instagram ‘oku lahi hono talanoa’i ‘iloa ‘i he ngaahi popoaki fakamamahi’i, famalohi mo fe’ave’aki ‘imisi ta’efe’unga ‘o e fānau iiki. Ko e ta’u si’isi’i taha ngofua ke kamata mei ai ko e 13, ka ‘oku lahi pe ‘a e kau leka ‘oku toe iiki angē.
TikTok
Ko e TikTok ko e iOS mo e Android polokalama mitia fakasōsiale ki hono fa’u mo vahevahe ‘o e ngaahi vitoo nounou, faiva fakakata, taleniti vitio.
Ko e TikTok ko ha polokalama vitio iOS mo e Android fakasōsiale ki hono faʻu mo vahevahe ʻo e ngaahi vitio nounou, foʻi faiva fakakata, mo e taleniti. Koeʻuhi ko e lava ke maʻu e ngaahi meʻa ʻoku taʻefeʻunga, pea mo hono fakaʻaongaʻi ʻo e hiva manakoa ‘oku ʻi ai e ngaahi lea ta’e taau, ‘oku ʻikai leva ko ha polokalama ʻeni maʻa e fānau iki.
Ask.fm
‘I he Ask.fm, ‘oku fe’ave’aki fehu’i ‘e he kakai ‘oku nau ngāue’aki ka ‘oku ‘ikai ‘ilo pe ko hai nautolu. ‘Oku ‘uhinga ‘eni ke faingofua kenau fufuu’i honau fakamatala fakafo’ituitui, lea ‘aki e me’a ‘oku nau fie lea ‘aki ta’e ‘i ai hano nunu’a. Ko e ngaahi houtamaki mo e ngaohikovia ‘i he saiti ko ‘eni ‘oku hoko ia ko e fakamamahi ki he tokolahi ‘o e fānau, ‘i he taimi e ni’ihi , ‘oku ki he’enau to’o ‘enau mo’ui. Ko e taha ‘o’ona e saiti ko ‘eni ne pehē tenau fakakau e faka’ilonga lomi ki he ‘lipooti ‘o e ngaahi fakamalohi’, ‘oatu mo e ngaahi me’a ke toe fili mei ai he taimi lesisita mo e fakangāue’i ha kau ngāue ke nau tokanga’i.
Yik Yak
ʻOku pehē ʻe he tuʻuaki ʻo e app, “ʻoku ʻikai ha fakamatala fakafoʻituitui, ʻikai ha lea fakapulipuli, ʻoku ʻikai ke ‘ilo’i kimautolu”. Naʻe fa’u ia ko ha founga ke fakahu ai ha ongoongo mo ha ngaahi popoaki ʻi he tukui kolo fakalotofonua pea ʻi he kolisi mo e ngaahi ‘apiako, kuo ʻiloa ʻa e polokalama ia ko ha meʻangāue ki he fakamalohi pea kuo tapu hono fakaʻaongaʻi ‘aki ʻi he ngaahi ʻapiako lahi ʻi he UK mo e US.
Habbo
Habbo ( Hingoa kakato Habbo Hotel) – ko e saiti netiueka fakasōsiale taumu’a ki he kau to’utupu, ka neongo ‘oku mau fanongo ‘oku ngāue’aki ‘e he fānau ‘oku iiki hangē ko e ta’u 8. Kuo hoko ia ko e kaveinga ke fai ha hoha’a ki ai koe’uhi ko e ngaahi popoaki fakaponokalafi.
Shots of Me (or just Shots)
Ko ha polokalama ‘oku ne faka’ata ‘a e tokotaha ‘oku ne ngāue’aki ke faita mo ‘selfies’, ‘o faka’aonga’i ‘aki e me’afaita ‘i mu’a he telefoni to’oto’o. Kuo hoko e ngaahi ta ko e kaveinga ‘oku hoha’a ki ai e tokolahi koe’uhi ko hono ngāue’aki ke fakamafola ngaahi ta ta’efe’unga mo lava hoko ai e fakamalohi ngaohi kovi’i mo fakamanamana’i ko ia he ‘initaneti.
Omegle
Ko e fo’i laine ‘iloa ‘aki e Omegle ko e “Talanoa ki he kau muli”, ko ia ‘oku māhino ai pe ‘a e ola ki ho’o fānau (mo koe) ‘a e ngaahi palopalema.
Chatroulette
‘I he Chatroulette, ko e ngaahi louhi’i fānau ‘oku ‘ikai ha nau ‘ilo pe ko hai ‘oku nau talanoa ki ai ‘i he tafa’aki ‘e taha ‘o e komipiuta, ko ha ‘uhinga ia ke fai ki ai ha tokanga.
Ke toe ‘oatu kiate koe ha ngahi fakakaukau ki lahi ko ia ‘o e ngaahi polokalama ‘chats’ mo e ngaahi saiti ki he fānau ke nau ngāue’aki he ngaahi ‘aho ni, ko ‘eni e ngaahi saiti si’i pe ‘eni tatau ki he Chatroulette, makatu’unga me hono ngāue ‘aki e me’afaita ‘o e komipiuta mo e telefoni to’oto’o. ‘Oku ke fakataokanga’i angē ha taha ‘ia kinautolu?
iMeetzu
SpinnerChat
WebcamBam
Cam Random Chat
HollerChat
RandomSkip
CoolStreamz
Swagcams
SpeedyCams
Bazoocam
Omegle
Chatroulette
Tinychat
Camzap
Chatrandom
Facebuzz
Quierochat
Streamberry
Chatpig
Chattino
Camfrog
Hehechat
Rounds
Chatville
Funyo
Paltalk
Webcamnow
Flipchat
VideochatUS
RouletteChat
Dirtyroulette
Chatxroulette
Lollichat
Chatrad
321 Chat
Chatbazaar
Wireclub
Chat Avenue
Wocchat
Airtime