Hangē pe ko e ngaahi fetu΄utaki taautaha, koe founga ‘o e ma΄u΄anga fekau vave taha ko ‘eni ‘oku fēlave΄i pea fēngāue΄aki lelei ia mo e ngaahi founga ‘i he anga ‘o e fetu΄utaki fakasōsiale. Na’e ‘osi manakoa peia kimu΄a pea toki hoko mai ‘a e koviti-19 ‘i hono mahu΄inga mo hono lelei ke ne hanga ‘o fetongi ‘a e anga ‘a e talanoa mata-ki-he-mata ‘a e kakaí pea mo e fēvahevahe΄aki ‘o e ngaahi fakamatala mahu΄inga mo hoto kainga pea mo e maheni ‘i hoto kupu fekau΄aki mo hoto ‘ātakai ‘i he hala fononga.
Hangē pe ko e ngaahi me΄a ‘oku tau fakahoko ‘i he opé, ‘oku ‘i ai pe ‘a e ngaahi faingata΄a te te fetaulaki mo ia ‘i hono ngāue΄aki ‘o e founga ma΄u΄anga fekau vave taha (IM)
- Ko e kakai ‘i he opé, ‘oku ‘ikai ke lava ia kete ‘ilo΄i pe ko kinautolu totonu ia ‘i he anga ‘enau fakamatala mo ‘enau fakafotunga mai. Pea ‘e malava pe ia ke hoko ‘eni ‘i he anga e fēpōtalanoa΄aki ‘i he ngaahi founga ma΄u΄anga fekau vave ko ‘eni hangē ko hono ngāue΄aki he ngaahi keimi mo e ngaahi founga pehē. He ‘oku malava heni ke ngāue΄aki ‘e he kau kākā ki hono lohiaki΄i e tokolahi ‘aki hono fakahoko atu ha ngaahi fekau ‘o pehē kuo liliu ‘enau ngaahi fika telefoni pea a’u ‘o falala kiai ha ni΄ihi ‘o hoko atu hono kākāa΄
- Kau heni ‘a hono fakahoko atu ke ke hanga ‘o fakahū ha polokalama ki ho΄o komipiuta ‘e tokoni ki hono to΄o e vailasi
- Fakaongongo ho΄o ngaahi talanoa taautaha ‘a koe. Kapau he ‘ikai ke ke fakatokonga΄i ke ta΄ofi mo tu΄usi ‘a e ngaahi polokalama ko ‘eni, he ‘ikai pe ke puli ha΄o me΄a ‘e taha.
- ‘E malava heni ke hoko ai moha ngaahi palopalema kehe ki ho΄o naunau ‘oku ke ngāue΄aki hangē ko ho΄o komipiuta
- Ko e ngaahi fēpōtalanoa΄aki ‘i he ope ‘o ngāue΄aki ‘a e ma΄u΄anga fekau vave taha (IM) ‘oku malava ke hoko ai ha ngaahi lea pe talanoa ‘oku fakamanamana, lea kovi, lea ‘oku ‘ikai ke taau mo e anga ‘o e nofo.
Ko e malu pea pau hono ngāue΄aki ‘o e ma΄u΄anga fekau vave taha (IM)
- ‘oua pe te ke ‘ave/fakahā ho΄o fika ‘oku loka ‘aki ho΄o nauau tekinolosia, pe ko e fika ho΄o kaati kulētiti (credit card) pea ko ha fakamatala taautaha pe ‘a koe ‘oku ‘ikai to e fiema΄u ia ke ‘ilo ki ai ha taha.
- Kapau te ke ma΄u ha fekau ‘i he founga ma΄u΄anga fekau vave ‘o pehē ko e taha ho ngaahi kupu fekau΄aki kuo liliu ‘ene fika telefoni. ‘Oku totonu ke ke tā leva ki he fika fo΄ou kuo tuku mai ko e founga lelei ia ho΄o faka΄ehi΄ehi mei ho΄o tuku atu kitu΄, ‘a ho΄o ngaahi fakamatala fakapulipuli pea mo hono kākāa΄i koe ‘e ha taha.
- Ke ke hanga ‘o poloka ‘akinautolu ‘oku ‘ikai kemou maheni. Pea kapau ‘oku malava ke ke hanga ‘o ‘ai ha founga ‘i ho’o naunau tekinolosia ke ke fetu΄utaki pe mo kinautolu ‘oku ke loto ki ai ‘i ho΄o lisi fetu΄
- Ke ke mātu΄aki tokanga ‘aupito ‘i he anga ho΄o tukuange atu ho΄o ngaahi fakamatala fakapulipuli ki ha taha fo΄ou ‘oku mo fetaulaki ‘i he ma΄u΄anga fekau vave taha(IM). Tatau aipe pe koehā ha kihi΄i fakamatala fekau΄aki mo koe, hangē koe hingoa ho΄o pule ngāue ‘e malava ke ngāue΄aki ‘e he kau kākā ki hono lohiaki΄i koe.
- ‘Oua ‘ e faifaiange pea ke lomi ‘o fakaava ha ngaahi lingi(links) ‘oku fakahoko atu kiate koe ‘i he ma΄u΄anga fekau vave taha mei ha kakai ‘oku ‘ikai ke ke ‘ilo pea ‘oku te΄eki pe, ke ke fetaulaki mo kinautolu.
- Ngāue΄aki pe ha ngaahi fakamatala loi pe ‘oua ‘e fakahū ai ha me΄a ‘i ho΄o fakamatala fakafo΄ituitui ‘i ho hingoa (Profile) he΄e tokoni ia ki hono malu΄i koe mo ho΄o ngaahi fakamatala fakapulipuli
- ‘Oua te ke ngāue΄aki ho΄o fika fakapulipuli ki ho΄o ngaahi naunau ‘oku ke ngāue΄aki (systems) pe ko ho΄o ‘īmeili ke ke hū΄aki ki he ngaahi ma΄u΄anga fekau vave taha
- ‘Oua pe na΄a ke tuku atu ho΄o ngaahi fakamatala fakapulipuli hangē ko e fika ho΄o kaati pangikē neongo ‘oku fiema΄u ho΄o fakamo΄oni he ‘oku ‘ikai te ke ‘ilo kohai ‘e ‘ave ki ai ‘a e ngaahi fakamatala kotoa koia.
- Tamate΄i ‘a e ngaahi polokalama ‘oku ‘otometiki pe ‘ene hoko/ngāue ‘i ho΄o tekinolosia.
- Feinga ke ke hanga ‘o ma΄u ha ngaahi fakamo΄oni makehe ki he ngaahi fakamatala ‘oku ke ma΄u mei he ma΄u΄anga fekau vave taha (IM), hangē ko ha ngaahi fale΄i ‘oku pau mo mo΄
- Ke fakafo΄ou ma΄upē ‘a e ngaahi me΄angāue, ngaahi polokalama ma΄u΄anga fekau vave taha ‘oku ke ngāue΄aki. ‘Oku lelei kapau te ke hanga ‘o fokotu΄utu΄u ke ‘otometiki pe ‘ene fakafo΄ou.
- ‘Oua te ke tuku ho΄o fanau iiki kenau ngāue΄aki ‘a e ngaahi polokalama ma΄u΄anga fekau vave taha (IM) ‘iate kinautolu pē ‘o ‘ikai ke ‘i ai ha taha lahi ke ne tokanga΄i kinautolu. ‘Oku lelei ke ke fekumi ki he ta΄u fakalao ‘oku totonu kenau ngāue΄aki ‘a e ngaahi polokalama ni.