Ngaahi faingata΄a
- Ko e mole ‘a e laungeau pe lauafe ‘a ho΄o pa΄anga ki he founga kākā ko ‘ení, ‘o ‘ikai ha to e faingamalie ke totongi fakafoki mai
- Hoko ia ke mole ai ‘a e pa΄anga e memipa ho familí, kaungāme΄á, mahení, pea malava ke mole ai mo e fēfalala΄aki ‘i he anga ‘o e feohi
- ‘E malava ke ke mo΄ua ai ‘oke totongi ai ha pa΄anga lahi pea ‘i ai foki mo ho lēkooti faihia.
Ko e maumau lao foki ‘eni ‘i Tonga kapau te ke fokotu΄u mo fakalele ha founga tānaki pa΄anga pilamita. Kapau ‘e ma΄u ha taha ‘oku ne fakahoko ‘a e founga ko ‘eni kuopau ke tautea΄i mamafa ‘i he lao.
‘Oku ‘ikai ke tatau ‘eni ia mo e ngaahi founga kehekehe ‘o e māketi he ‘oku ‘ikai ke ‘i ai ha koloa pe koha sēvesi/ngāue ke fakahoko ka e totongi mai ‘a e pa΄anga. Neongo ko e taimi ‘e ni΄ihi ‘oku fa΄a kau fakapulipuli pe ia ‘i loto hono tu΄uaki ‘aki he ngaahi kalapu fēfolau΄aki, pe koha ngaahi polokalama foaki me΄a΄ofa mo e ngaahi founga foaki me΄a΄ofa pa΄anga ‘e ha falukunga kakai. Pe a ko e ‘uhinga ia ‘oku holofa ma΄upē ‘a e ngaahi founga tānaki pa΄anga pilamitá, ‘o ma΄u pe ‘e kinautolu ‘i ‘olunga ‘a e pa΄anga kae mole kotoa ‘a e pa΄anga kuo tānaki ‘e he toenga ‘o e kau mēmipa.
‘Oku nau fakafalala pe ‘i hono lohiaki΄i ‘a e kakaí, ngaahi kupu ‘o e familí, kaungāme΄a pea mo e maheni. Pea kuo a’u ki hono fakamālohi΄i ‘o ‘ikai ngata pe ‘i hono palōmesiange tenau ma΄u ha pa΄anga lahi ka ko hono toe fakakovi΄i mo e ni΄ihi ‘o pehee ‘oku ‘ikai ke fie fakakau mai kinautolu ki he fo΄i ma΄u΄anga pa΄anga vave ko ‘eni. ‘Oku ngāue΄aki ‘e he kau kākā ko ‘eni ‘a e ngaahi falekai, ngaahi fai΄anga lotu pe ko e ‘api pe ‘o e kakai ke fakahoko ai ‘enau tu΄uaki mo hono lohiaki΄i ‘o e kakai kenau kau mai ki he founga ko ‘eni. ‘I he ngaahi ‘aho ni kuo lahi ‘aupito hono tu΄uaki ‘o e ngaahi founga kākā ko ‘eni ‘i he ngaahi founga kehekehe kau ai ‘a e mitia fakasōsiale, fetu΄utaki telefoni, mo e ngaahi ‘īmeili.
‘I Tonga mo e ngaahi ‘otu motu Pasifikí, kuo tokolahi ‘a e kakai kuo nau ‘efihia hono kākāa΄i pe kinautolu ‘e honau famili tonu mo e maheni ‘oku nau nofo ‘i Nu΄usila pea mo ‘Aositelelia, ‘onau hanga ‘o takihala΄i ‘o ngāue΄aki ha ngaahi konituleki moha ngaahi fakamatala fakapepa loi ‘o tō ai ‘a e tokolahi.
Ko e ngaahi founga tanaki pa΄anga ‘e ni΄ihi ‘oku nau to e fokotu΄u fo΄ou pea mo e fakakaukau fakangalingali pe, ko ‘enau fietokoni kiate kinautolu na΄e mole ‘enau pa΄anga, ko ha faingamalie nai ‘eni ke tanaki fakafoki atu ‘aki ‘a ‘enau pa΄anga na΄e mole.
Founga ke ke ‘ilo pea faka΄ehi΄ehi mei he founga pilamita.
- Ko ha fakaafe kiate koe ke ke fakakau atu ha kakai ke mou fakahoko ha tanaki pa΄anga ‘o ‘ikai ha koloa pe ko ha sevesi (ngāue) ‘e fakahoko, ko e faka΄ilonga ia ‘o e founga pilamita. Neongo pe koe ha e lahi e pa΄anga ‘oku nau palōmesi atu te ke ma΄u pe ko ho΄o fu΄u fiema΄u pa΄anga, kātaki ka ke faka΄ehi΄ehi mei ai.
- ‘Oua pe te ke fakakaukau ke ke kau atu ki ha fa΄ahinga tanaki pa΄anga tukukehe kapau kuo ‘osi lesisita ‘i he Pule΄
- Kātaki fakakaukau lelei kimu΄a pea ke toki feinga ke fakakau atu ha ni΄ihi ki he fa΄ahinga tānaki pa΄anga pe fēfakatau΄
- Kapau ‘e feinga ha taha kene fakakau koe ki ha polokalama ‘oku ke tui ko e founga pilamita, līpooti hangatonu ki he kau polisi.