Ko kinautolu ‘oku fakangalingali ‘o faka’aonga’i ‘a e ‘subscription traps’ (tauhele totongi fakamemipa ki ha me’a fakakautaha), ‘oku nau ngāue kovi ‘aki ia ki hono ngāuehala ‘aki ‘a e ‘continious payment authroity’ (ma’umafai ke fahoko totongi hokohoko), ‘aki ‘enau kole ki fakaikiiki ‘o e kaati totongi ke fakamo’oni’i ‘aki hono fakapapau’i ‘o e tokotaha ko ia mo e ta’u, pea nau tauhi e ngaahi fakamatala ko ia ke toho totongi mei ai fakamāhina. Ko e fakaikiiki ko ia ‘o e totongi tukupa ko ‘eni, ‘oku tanu ia ‘i he ‘terms & conditions’, pea ‘oku fa’a ‘ikai ke fakatokanga’i ia ‘e he tokolahi, koe’uhi ko ‘enau hoha’a ke fai mo ngāue’aki e ‘fantastic offer’ (fo’i tu’uaki me’a’ofa) ‘oku tu’uaki.
Ngaahi maumau ‘e malava ke hoko
- Ko hono faka’aonga’i ko ia ‘o ha tu’uaki ta’etotongi pe ma’ama’a, kae toki ‘ilo ‘amui ‘oku lahi ‘o laungeau pe lauaffe ho fakamole ai
- Ko e ‘ikai ke ke lava ‘o kaniseli pe ta’ofi e fakamole ko ia ‘oku to’o mei ho ‘akauni
Founga ke fakamama’o ‘aki mei he ngaahi tauhele totongi e memipa ke kau atu ki ha me’a fakakautaha
- Lau e ngaahi pepa (terms & conditions) tu’utu’uni fengāue’aki kimu’a pea ke tali ‘a e aleapau pe fakahoko ha fakatau, tatau ai pe pe ko e ha hono lōloa
- Fakapapau’i ko e puha ‘terms & conditions’ ‘oku te’eki ke ‘osi faka’ilonga’i.
- Kapau ‘oku ke fai ha fakatau ‘i he fa’ahinga founga ko ‘eni ‘a ia ‘oku ne ‘oatu ‘e ia ‘a e ki’i taimi si’i ke kaniseli ai e aleapau, fakapapau’i ‘oku ke fakahoko ia kimu’a e taimi ‘oku ‘osi ai, ‘o kapau ‘oku ke fie kaniseli
- ʻOua naʻa ke teitei ʻoangē ha fakaikiiki ʻo e pangikēe ki he ngaahi kulupu kae ʻikai fai ha fekumi kimuʻa.
- Tauhi ha tatau ‘o ha fa’ahinga tu’uaki pe ( ‘aki ho paaki pe faitaa’i) na’a ke tali ki ai, pea ke tauhi ha ki’i tohi ‘o e peesi uepisaiti
- Manatu’i ‘e toe lahi angē ho faingamālie ke kaniseli ‘a e aleapau pe ma’u ko ia ‘o ha pa’anga fakafoki ‘o kapau ko e kautaha ‘oku mei he fonua tatau mo koe. Na’a mo ki nautolu ‘oku ‘i ai ‘enau tu’asila fakalotofonua, ko ‘enau fakahoko fakakakato ngāue fakakautaha pe ‘ai ia ne alea’i kinautolu ke nau fai hono fe’ave’aki ‘o e koloa. Ko e taimi ‘e ni’ihi ‘oku ‘ikai ke ‘iloa ‘a e tefito’i kautaha totonu ia fakalotofonua.
- Vakai’i ma’u pe ‘a ho’o fakamatala fakapepa fakapangikēe/kaati totongi ki ha ngaahi fakamole fakatu’upake
Kapau ko ha taha koe na’e uesia ‘i he ‘subscription trap’
- Feinga ‘aki ho kotoa ke fetu’utaki ki he kautaha ‘oku kau ai ke nau kaniseli ‘a e aleapau
- Fetu’utaki ki ho’o pangikēe ke ngau kaniseli ‘a ngaahi fakamole ‘i he kaha’u
- Fakapapau’i mei ho pangikēe pe ‘oku fiema’u ha’o kaati fo’ou
- Kole ki ha totongi fakafoki, kapau na’e ‘ikai ke fakamatala’i atu ‘e he tu’uaki ‘a e ngaahi totongi ke fakahoko, ka ke fakatokanga’i pe, kapau ‘oku ‘ikai ke ma’u ha’o tatau ‘o e fakatau, he ‘ikai ke lava ke fai ki ho’o lau
- Kapau ‘oku ke tui na’e kākā’i koe, lipooti ia ki he kau polisi