Ngaahi fakatu’utamaki ‘e malava ke hoko
‘Oku lahi ‘a e ngaahi uepisaiti ‘oku nau fa’u fakamatala fakaongoongolelei ki he fefakatau’aki ‘oku mo’oni pea nau fakahoko ‘enau tefito’i ngāue kimu’a pea nau toki tukuatu ‘enau ‘listing’ (lisi fakaongoongolelei). Ko e ngaahi saiti ia ‘e ni’ihi, ‘oku si’isi’i, pe ‘ikai ha nau fakamo’oni’i ngāue, taukei pe fakaako ‘a ia ‘oku fiema’u mei he tokotaha fefakatau’aki/kautaha. Taimi ‘e ni’ihi, ‘oku fa’u ‘aki ‘a e loi e ngaahi fakamatala ‘o e kasitoma pea ke tui ‘oku ke ngāue’aki ha taha taukei, ‘e iku ‘eni ia ki ha:
- Ngāue ‘oku ‘i lalo ia ‘i he angamaheni.
- Ngāue ‘oku fakatu’utamaki
- Ngāue ‘oku ‘ikai ke pau, pe ‘oku ‘ikai ke lava ‘o fakapapau’i, ‘o iku ki hono fakasi’isi’i ai e mahu’inga ‘o ho’o ngaahi koloa
- Tokotaha fefakatau’aki ‘oku ‘ikai ‘i ai ha’a ne malu’i, ‘i he ‘public liability insurance’, ‘all-risk cover’, pe ‘employers’ liability insurance’ (ko fe pe ‘oku taau mo fe’unga)
- Totongi ‘o lahi angē ia ‘i he totongi fakakomesiale ‘i he maketi ki he ngāue na’e fai
- Kau fefaktau’aki kākā ‘oku nau kole totongi kimu’a pea nau fakahoko ‘a e ngāue – ke totongi ‘aki e naunau me’angāue – kae hola ia mo ho’o pa’anga
Malu’i koe – mo ho’o koloa
- Kimu’a pea ke fakakau ha taha fakafetau’aki, kumi ki ha ngaahi fakamatala lelei pe kovi ‘i he ‘initaneti (‘ikai ko e ngaahi uepisaiti fa’u fakamatala fakaongoongolelei pe ki fefakatau’aki).
- Fetaulaki mo e tokotaha ko ia ke mo alea’i e ngāue, ‘i ho’o ‘api pe ‘i ha feitu’u kehe pe ke fakahoko hoko ai.
- Fakapapau’i ko e tokotaha fefakatau’aki ‘oku vekeveke ke ‘oatu e tu’asila mo e fika telefoni ki he’e nau ngāue’anga, pea vakai’i pe ‘oku mo’oni
- Fakapapau’i ko e tokotaha/kautaha ‘oku ke fengāue’aki mo ia ‘oku fe’unga mo taukei ‘i he ngāue ko ia ‘oku ke fiema’u ke ne fakahoko, ke fai ki tu’unga ‘oku ke sai’ia ai
- ‘Omi ha tohi fakafuofuo’ai ‘aki e ngāue na’e fai kimu’a pea ke talaangē ke nau hoko atu ke fakahoko e ngāue
- Kapau ‘oku ke ‘oangē ha totongi kimu’a, fakapapau’i ‘oku ke ma’u ha fakamo’oni’i tohi pe ‘oku taipe’i, ke fakamahino’i ‘a e lahi ‘o e totongi mo e ngaahi me’a ‘oku totongi
- Pea fakapapau’i ‘oku ke ma’u ha la’i pepa fakamo’oni totongi ki he totongi faka’osi, pe ko e totongi kakato ‘o kapau ‘oku fakahoko pe ia he ‘osi hono fai e fo’i ngāue
- ‘Oku ‘i ai e kau kākā ia ‘oku nau te ke ‘enau kau faingata’a’ia ki he pangikēe ke toho pa’anga ‘oku lahi, ka ‘i he’enau tui ‘o pehē ko ha totongi ‘oku totonu ke fai kimu’a pea nau toki fakahoko e ngāue. Kapau ‘oku hoko ‘eni kiate koe, fakatakonga ki ho kaunga’api, pe fakamahino’i ki he kau ngāue ‘o e pangikēe ‘oku fakamalohi’i koe.