Taimi e ni’ihi, ‘oku tu’o taha pe hono fiema’u – hangē ko e taimi ko ia ‘oku te fokotu’u ai e ‘user account’ (‘akauni fakakomipiuta).
‘I he taimi ia ‘e ni’ihi, ‘oku fie ma’u ia ke ke ‘click’ (lomi’i) ‘a e ‘Accept’ (‘io), ke mahino, ‘oku ke tali, pe ko e ‘Proceed’ (ke hoko atu), ko e founga ia ‘e ua ‘oku tuku mai he taimi ‘oku te ‘perform the task’ (fakahoko fatongia) hangē ko e ‘downloading’ ‘o ha polokalama ‘oku ‘i he fakamuimuitaha.
Ko ‘ete tali ko ia ‘a e ‘Terms & Conditions’, ‘oku ‘ikai ke ‘uhinga ia kuo ke ‘osi lau kotoa ia ‘e koe.
‘Oku tokolahi pe ‘a kakai ‘oku ‘ikai kenau lau ‘a e ‘Terms & Conditions’, koe’uhi ‘oku fu’u lōloa , pe ‘oku pehē pe he tokolahi ia ‘oku tonu mo mo’oni.
‘Oku mahu’inga ke ke manutu’i, ko ho’o tali ko ia ‘a e ‘Terms & Conditions’, ‘oku ha’isia leva koe ki he tohi aleapau, ko ia ai, ‘oku mahu’inga ‘aupito ke ke lau ia fakalelei, kimu’a pea ke toki tali, ‘oku ke loto ki ai.
‘I ho’o fai pehē, te ke ongo’i leva ‘oku ke fiemalie, he ‘oku ke tali ha aleapau ‘oku hoa mo fe’unga pea mo koe, pea mo e tokotaha ko ia ‘oku ne fakatau atu ‘a e koloa, pe ko e toko taha ko ia ‘oku ne ‘a’ana ‘a e uepisaiti