Uepisaiti Fietatau

Ko e ‘copycate websites’, ko e ‘uu uepisaiti, ‘a ia ‘oku nau ‘oatu e ngaahi sevesi mei he potungāue fakapule’anga, pe ko e pule’anga fakalotofonua, ka ‘oku ‘ikai ko e saiti fakalao ia, pea nau toe ‘oatu ‘a e sevesi ‘oku fu’u mamafa hono totongi, pea ‘ikai ke fa’a ma’u ha ‘tangible benefit’ (‘aonga ‘oku lava ‘o fakamahu’inga) ki he kasitoma. ‘Oku nau lava ‘o fakahoko ‘eni, ‘aki ‘enau ngāue’aki ha ‘website tools’, ke nau ma’u ai ha ngaahi tu’unga ‘oku ma’olunga ‘i he ‘search engines’ hangē ko e Google, pea ‘oku fa’a fakakalasi kinautolu ia ‘o ma’olunga hake ia ‘i he ngaahi saiti ‘oku ‘ofisiale, ‘o atu leva ia, ‘o hangē ‘oku ‘ofisiale’, pe ‘ma’u e ngofua’. ‘Oku ‘i ai mo ‘engau ngaahi tu’asila ki he ngaahi uepisaiti ne nau fa’u ke fakapuputuʻuʻi ʻaki ʻa e saiti fakalao, pea ‘oku fa’a mei faitatau pe ia ‘i he’e ne ‘asi, ongo mo hono ‘brand design’

‘Oku ‘ikai ke faka’ata ‘e he Google ia ‘a e ngaahi sevesi ko ia ‘oku nau fakamamafa’i ha totongi, ka ‘oku ta’etotongi ia ‘i he uepisaiti ‘oku ‘ofisiale, neongo ia, ‘oku kei fai pe ‘e he ngaahi ‘copycat sites’ ia ‘a e me’atatau.

Ko ‘enau taumu’a ke fakaha atu, ‘oku nau lava ‘o ‘oatu ha sevesi ‘oku ta’etotongi, pe te nau fakama’ama’a atu, ka ‘oku fa’a taipe’i atu ia ‘aki e mata’itohi iiki, ‘i he konga ki lalo ‘o e peesi, pe ko e‘ikai ke ‘asi atu ha me’a pehē ia.

Ngaahi maumau ‘e malava ke hoko

Ko hono takihala’i koe ke ke totongi’i ha ngaahi sevesi ‘oku fu’u mamafa, ka ‘e lava pe ke ma’u atu ia ‘i ha saiti ‘o e potungāue fakapule’anga, pe saiti ‘o e pule’anga fakalotofonua ‘i hono totongi totonu. Ko e ngaahi sevesi ko ‘eni ‘oku kau ai ‘a e:

• Paasipooti
• Tohi fakamo’oni ki he ‘aho fa’ele’i, mo e ‘aho malōlō ai
• Laiseni faka’uli mo e ngaahi laiseni kehe
• Ngaahi sivi faka’uli
• Ko hono talaatu ‘oku toe sai angē ‘a e ngāue ‘o ha polokalama mo faingofua angē kapau ‘oku ke faka’aonga’i ‘enau sevesi, ka ko hono mo’oni, ‘e lava pe koe ia ‘o fai e fo’i ngāue, ‘o vave mo faingofua.

Fekumi mo fakatau mei he uepisaiti ‘oku ‘ofisiale ‘i he founga ‘oku malu

• ‘Oua te ke fakatovave pe ke ke ngāue’aki e ‘uluaki uepisaiti pe ‘oku ke sio ki ai ‘i he ‘search engine’, tatau ai pe kapau ko e tu’asila ‘oku ‘asi mo’oni atu
• Fakatokanga’i angē, ‘oku malava pe ‘a e kau kākā, kenau fai ha liliu fakaolopoto ki he tua’sila totonu, hangē ko hono fetongi ‘aki ‘a e fika ‘0’ e mata’itohi ‘o’.
• Kai kehe, tuku ha taimi ke ke fakasio ki he uepisaiti faka’ofisiale. Te ke lava pe ‘o tala e saiti ko ia ‘oku ‘ofisiale, kapau ‘oku ‘i ai e ‘logo’ mo’oni ‘o e, potungāue, kautaha fakafofonga, pe ‘council’, pea ko e ngaahi fakaikiiki ki he fetu’utaki mo e ngaahi totongi ‘oku ma’ama’a (pe ta’etotongi)
• Kapau ‘oku ke fili ke ke ngāue’aki e saiti ta’e’ofisiale ke fakatau e ngaahi sevesi ‘oku ‘ofisiale, fakapapau’i ko e founga totongi ‘i he peesi ‘oku malu, ‘aki ho vakai’i pe ‘oku kamata ‘a e tu’asila ‘o e peesi ‘aki e ‘https://’ (ko e ‘s’ ‘oku fakanounou ia ki he ‘secure’) pea ‘oku ‘i ai mo e fo’i loka ‘i he ‘browser window’. Neongo ia, ‘oku ‘ikai ke fakapapau’i atu ‘e he me’a ni, ‘oku ke malu ‘i he ‘initaneti, koe’uhi, ko e uepisaiti ko ia ‘oku ‘ha’ana ‘e he taha kākā, ‘e kei lava pe ‘e ia ‘o fai e ngaahi fatongia malu’i ki he totongi ‘i he founga totonu ‘oku malu.

Kapau ‘oku ke fakakaukau na’e takihala’i koe ke ke fakahoko ha totongi ‘oku ‘ova ‘aki ho ngāue’aki ‘a e saiti ta’e’ofisiale:

•  Fetu’utaki ki he saiti ke feinga’i ke ma’u atu ha totongi fakafoki, ‘o pehē na’e takihala’i koe

Fetu’utaki ki he ngaahi potungāue fakapule’anga, pe ‘agency’, pe pule’anga fakalotofonua ko ia ‘oku totonu ke lipooti e ‘copycat site’