Ko e angamaheni foki, ko e tokotaha mamahi tene ma’u ‘e ia ha fetu’utaki telefoni ko e fiem’au ke totongi fakavavevave ‘aki ha ‘ane fakatau ‘i he iTunes pe ko e ngaahi kaati me’a’ofa/vausia mei he fale fakatau faka-movetevete ‘oku ofi taha, ‘a ia ‘e lava pe ko ha falekoloa fakatāutaha pe falekoloa fakatau atu me’a faka’ilekitulonika faka-movetevete.
‘E talaange ia ki he tokotaha mamahi ko hono fakalelei’i ‘eni/totongi faka’osi ‘o ha mo’ua tukuhau ‘oku te’eki ai ke totongi (‘E fa’a fakahā atu ‘e he kau kākā ke pehē ko e kau fakafofonga ma’u mafai kinautolu mei he tukuhau), pila faka-falemahaki, pila faka’aho (hangē ko e ‘uhila mo e vai), moʻua tanaki atu ki he mo’ua angamaheni pe ko e mo’ua totongi ke faka’ata/tukuange mei ha mo’ua faka-pule’anga.
Hili ko ia ‘a e fakatau, ‘e kole ia ki he taha mamahi (victim) ke ‘oange ‘a e totongi ‘i he telefoni ‘aki ‘ene lau ange e kouti mata’ifika ‘e 16 (‘i he keisi ko e’ ‘o e kaati me’a’ofa ki he iTunes) ‘i he tafa’aki ki mui ‘o e kaati.
‘E toki hanga leva ‘e he tokotaha kaka ‘o fakatau atu ‘a e kouti, pe te ne fakatau’aki ha ngaahi koloa mahu’inga ‘aupito, ‘o hoko ‘eni ko e fakamole ki he tokotaha mamahi.
Ko hono moʻoni, ko e faʻahinga kaati meʻaʻofa ko ʻeni/vausia ʻe toki lava pe ke fakaʻaongaʻi ia ki hono fakatau ʻo e ngaahi koloa mo e/pe sevesi ʻi he uepisaiti ʻo e pisinisi ko ia ‘oku ne ‘oatu/ngaue’aki.
Neongo ia, ko e tokolahi ‘oku nau mo’ulaloa ki he founga ta’efaitotonu ko ‘eni koe’uhi pe ko ‘enau ta’e mahino’i ‘a e founga ngaue ‘oku fai ‘aki ‘a e me’a ni.
Ko e ngaahi mole, ‘oku malava pe ke lele ia ‘i he pa’anga ‘e laungeau pe lauafe, ka ko e tokolahi ia ‘o kinautolu ‘oku faingata’a’ia ‘i he hia ni, ‘oku nau ‘i he ta’u 65 pe lahi hake ai – neongo ‘oku tu’u lavea ngofua ha taha pe/ neongo ‘oku lava pe ke hoko ‘eni ki ha fa’ahinga taha pe.
He ‘ikai ke teitei kole atu ‘e ha kautaha sai ia ke totongi ange ha pila pe mo’ua ‘o ngaue’aki e vausia pe kaati me’a’ofa.
‘Oku totonu pe ke ‘oua na’a ke teitei fakaha ho kouti ‘i he ngaahi vausia pe kaati me’a’ofa na’a ke ‘osi fakatau tukukehe kapau ‘oku ke fai ‘aki ha.
Kapau ko e tokotaha mamahi koe ‘i he founga kaka ta’e faitotonu fekau’aki mo e vausia/kaati me’a’ofa
- Lipooti ia ki he kau polisi.
- Lipooti ia ki hoʻo pangike pe kautaha totongi kaati ‘aki e vave taha.
Te ke ‘ilo ki hono founga ke fakahoko ‘aki ‘i ha’o vakai ki he ‘enau uepisaiti.