Ngaahi tokoni ki he maluʻi fakalukufua webmail
- ʻAi ke lava ʻe he spam ʻo siviʻi pe fetongi ki ha kautaha ‘webmail’ te ne lava ʻo fai ʻeni (vakai ki he viruses & spyware).
- Fakaʻaongaʻi ha lea fakapulipuli ‘oku faingata’a ke hu ki he polokalama (vakai ki he passwords).
- Hu maʻu pe ki tuʻa mei hoʻo webmail ʻi he ʻosi hoʻo ʻīmeili. ʻOku matuʻaki mahuʻinga ʻeni ʻi ha komipiuta ʻoku fevahevahe’aki.
- ʻOku mau fokotuʻu atu ke ke fetuʻutaki pe ki he ‘webmail‘ʻi he taimi ʻoku maʻu ai ʻe hoʻo kautaha ‘webmail’ ha fehokotaki malu (ʻoku fakamahinoʻi atu ʻe ha foʻi loka ʻi he tafaʻaki toʻomataʻu ki lalo ʻo hoʻo browser pea mo e ngaahi mataʻitohi ʻ https:// ʻ ʻi he kamataʻanga ʻo e tuʻasila ʻo e uepisaiti). Kapau ʻoku ʻikai malu ʻa e fehokotakiʻanga, tokanga ke ʻoua naʻa ke ʻave ha ʻīmeili te ne lava ʻo fakaha ha fakamatala fakatautaha pe fakapaʻanga fekauʻaki mo koe.
- Tokanga telia ʻa e faile ʻi he ʻīmeili mei he ngaahi maʻuʻanga sevesu ‘oku taʻeʻiloa pea ʻikai ke falalaʻanga. ʻOku ʻi ai ha ngaahi polokalama ‘webmail’ ʻe niʻihi ʻoku ʻotometiki pe hono sivi’i ‘a e ‘attachment’ (faile ‘oku fakapipiki atu ‘i he ‘īmeili) ki he ‘malware’.
- Fakapapauʻi ʻoku ke maʻu ʻa e fakamuimuitaha ‘i he polokalama antivirus /anti-spyware mo e polokalama ‘firewall’
ʻOua naʻa mole hoʻo ngaahi popoaki ʻīmeili motuʻa
ʻE lava ke tamateʻi ʻe ha ngaahi polokalama ‘webmail’ ʻe niʻihi ʻa e ngaahi popoaki ʻīmeili kapau ʻoku ke laka hake ʻi ha fika tukupau. Kapau ʻoku mahuʻinga hoʻo ʻakaivi ʻīmeili, fakakaukau ki ha sevesi ke totongi ke totongi e tauhiʻanga fakamatala ‘i he ʻInitaneti, pe fakaʻaongaʻi ha webmail sevesi taʻe kau ai e ngaahi fakangatangata ko ʻeni.
Kataki ʻo fakatokangaʻi ange foki ʻe lava ke taʻofi ʻe ha kau ‘webmail’ ʻe niʻihi hoʻo ʻakauni kapau he ʻikai te ke ngāue ’aki ia ʻi ha vahaʻa taimi loloa.